ខគម្ពីរពេញនិយមពី 1 Koriinto 13

ចែក​រំលែក

Eti enenyet ꞌdoono, a eti garrahsi lehe, uure nugulyahe, inaaf ma khabo, ma isatahnoocho, ma eylajo. Fiddihi lakhaanyo keeno ma fiddiyo, awtiis kalday ma yeyo, dowwa ma hollowo, suujoonki liiyeele ma ekkaacho.

Us walah tuumman a siꞌda, walah tuumman kakhuufa, walah tuumman ka khajjeel a khaba, kol dakkhan la a garrahsata.

Uskeel ma kahamaado, iꞌdaasenyi wihi rummaat on kahamaada.

Maantaka, waha seyyahcho a sooꞌhadaan, kakhuufnaanki inno Waakh kakhuufno ichoow khajjeeli inno Kiriisto khajjeello ichoow ꞌdooninti inno enenyet ꞌdoonno, iꞌdaasenyi ti weyti kutto, a ꞌdoonin.

ꞌDoonine koloo kalday laka ma massatti. Iꞌdaasenyi farniinki ꞌdooꞌdi Waákh íyeyyeedo a massata, afassi Rubeyti Munyee kayamiit a gammadichaane, wihi lagarti tuumman la a kutaan.

Chirri an afassi weeli enenyet ommos afassi herti Waakh kaayyeedo, iꞌdaasenyi an enenyet iꞌdoonin, an a iꞌdi gaꞌdaari ballaaddane hafane weyti riiro, ꞌdollo lajaho on. Ommos an a iꞌdi ꞌdaanki buurenye immarah yeedo on.

Chirri an siinti Waakh liiyeyyeedo khabo, chirri an wihi dagsan tuumman gardi, chirri an walah tuumman gardi, chirri an kakhuufnaanki Waakh weyti lakakhuufo khabo an halal laka guuricho, iꞌdaasenyi an enenyet iꞌdoonin, walah an ahe mele.

Toro la chirri an wihi an khabo tuumman miskiino siicho, an sarteey laka an bahcho lagubo, iꞌdaasenyi an enenyet iꞌdoonin, waha haag icho ibahaan mele.

Maanti an weel eheet, yeedi an kaayyeedo a yeedi nyaakhute, saggi an walah iabde la a saggi nyaakhute, maleey tuumman, a ki weeli rucchul on gon. Inkoo an weynaade la, wihi nyaakhunnoon tuumman a ꞌdiiche.