ខគម្ពីរពេញនិយមពី EFESIOS 6

ចែក​រំលែក

Janiw jaqinakan ch'amanakapampi nuwasipktanti, jan ukasti alaxankir ñanqha ajayunakan ch'amapampiw nuwasipxtan, jupanakasti jilïrïñampi, munañanïñampiw aka ch'amak uraqin axsarayistu.

Diosat mayisiñ jan armasipxamti: Qullan Ajayun irpatax Diosar mayipxapunim. Jank'akïpxam, jan ch'am laq'ayasipxamti, qullan markatakix taqinitak Diosat mayipxam.

Diosax churapktam uka nuwasiñ yänakampi jark'aqasipxam, ukhamat sallqantir supayarux saykatañäni.

Ukalayku, Diosax churapktam uka nuwasiñ yänak katxarupxam, ukhamat jan wali urunakar saykatañataki, ukham sum wakicht'asisasti ch'aman sayt'asipxam.

Taqi kunat sipansti, iyawsäwimax supayan nina mich'inakap jiwarayañatak jark'aqasiñjamäpan. Qhispiyasiñasti mä cascor uñtat p'iqir asxatasiñatakïpan, Diosan arupasti Qullan Ajayun churat mä espadar uñtatäpan.

Ukhamasti ch'aman sayt'asipxam, chiqa kankañampi isintata, aski kankañampi isthapitaraki. Sumankañ arunak qhanañchir sarañatakix wakicht'atapunïpxam.

Jichhasti jilatanaka, Tatitunkasin ch'amañchasipxam, jan atipjkay ch'amapampi.

Aski katuqañatak nayrïr arsut kamachix akawa: “Awkimar taykamar jach'añcham, ukhamat aka uraqin walja maranak kusisit jakasiñamataki.”

Wawanaka, kunjämtix Tatitux munki ukhamaruy awkimar taykamarux jaysapxam, ukham jaysañaw askixa.