ខគម្ពីរពេញនិយមពី 2 Kɔlìn 4

ចែក​រំលែក

Eyaa wu lə ba bakà nɔŋe mèntɨ̧ɨ̧ ma ane èghɨ bɔ̀ɔ ndzea la, ba nɔ̀ŋe ane èghɨ bɔ̀ɔ ka ye la. Èghɨ bɔ̀ɔ ndzea la e wu wuê ane kètem àfɨ̀Ꞌ, ka èghɨ bɔ̀ɔ ka ye la e wu ane àlia nè àlia.

Ale, ba ka kaãaã a mà faꞋa. Mbɨ̧te ènyit ta tea mbàta mbɨ̀a ngà, ka Mbɔ̧ɔ̧mà bɔ̂ me ghɨ̌ mèntɨ̧ɨ̧ ma me kweele àli àgème. BadzìꞋ ngoꞋ bàa ba yea ane kètem àfɨ̀Ꞌ la be wua ntàŋka taꞋa ènɨ̧ bàa li ebɔ ane àlia nè àlia è tsě ngoꞋ yaa la.

Baa ntsèka ndzea ngoꞋ ane balu̧ bàgème, ka bà ka pfəꞋtè. Nàa ngɨ̀ è maa è wu àfɨꞋa kà ba ko ndɨ bàa ghɨ̀ la, bà ka luula àfàꞋ àya. Bòt àa ngɨ̀ bɔ̀ maa bɔ̀ me kɨ àtsəa ya enɨ, tè ba bɔ shu̧. Bɔ̀ɔ ngɨ̀ bɔ ghɨ̀ ba debte a si, ka bà ka pfəꞋtè

Bàa wu ba bɔ èghɨ ntsɔ̧̀ baa ane Fo Mbɔ̧ɔ̧mà la e wu mbɨ̀Ꞌɨ̀ bakɨ̀ŋ ètsaꞋ. Mbɔ̧ɔ̧mà ghɨ̀ anè mbɨ̀Ꞌɨ̀ baa ko nê, ngule mètàŋ maa dzəèà nè abua Mbɔ̧ɔ̧mà, è kà dzəa abua ya.

Bòt ngaa e tu̧u̧ bɨ̧ɨ̧ne nkàà nê, Satàn wu tà wu mbɔ̧ɔ̧mà ngɔ̀ŋ yaa la, è kɔke mbàꞋ a mèntɨ̧ɨ̧ mɔb. Tà kabte àghɨ ayɔb mbɨ̀Ꞌɨ̀ ka bɔ ye èkaꞋà wu è wu Ntu̧ Ntsɔ̧̀ yu nàa ndàꞋà ànəa ènɨ̧ Yesò Klistò wu tà wù mbɨ̀Ꞌɨ̀ Mbɔ̧ɔ̧mà la.

Mbɔ̧ɔ̧mà wu tà li shu nê “ÈkaꞋà è beꞋe a èbem ndzěm la”, wu tòà tà li ngɨ̀ èkaꞋà vi e beꞋe a mèntɨ̧ɨ̧ ma la. Tà li ngɨ̀ anè mbɨ̀Ꞌɨ̀ baa ye èkaꞋa tò mbèꞋa a èsi Yesò Klistò e ko ndɨ ènɨ̧ Mbɔ̧ɔ̧mà àa la.