Luka 20
20
Wauza mbuli ya udaho wa Yesu
Matayo 21:23-27; Maluko 11:27-33
1Zua dimwe, Yesu viyakalile yofunda wanhu mui ng'anda ya Mulungu mbuli ya usenga unogile, Vilongozi wa wakulu wa nhambiko na wafunda ndagizi na wavele vilongozi weza 2na wamuuza, “Chilongele gweye kosang'na mbuli zino kwa kwa udaho ulihi? Na yalihi yakudahize?”
3Yesu kawedika, “Tanhu leka nie niwauze. Nogeleni, 4udaho wa Yohana wa kubatiza ulawa kuulanga kwa Mulungu hebu ulawa kwa wanhu?
5Mbali wao wailongela wenyego kwa wenyego, “Chomlongela choni? Chihalonga, ‘Ulawa kuulanga kwa Mulungu,’ Kochilongela, ‘Ivo habali hamumtogole?’ 6Mbali chahalonga, ‘Ulawa kwa wanhu,’ dino bumbila jose dili hano dochitoa kwa mabwe, kwa vija wamtogola kua Yohana kakala Mlagusi.” 7Baho wamwidika, “Hachimanyile kuulawile.”
8Yesu kawalongela, “Nanie siwalongela, nosang'hana gano kwa udaho ulihi.”
Mfano wa wazima mgunda wa zabibu
Matayo 21:33-46; Maluko 12:1-12
9Amala Yesu kawalongela wanhu mfano uno, “Hakala na munhu imwe yahandile mizabibu mumgunda wake, ivo kawazima walimi amala kapata mwanza kahalawa kwa chipindi chitali. 10Msimo wa mlao vuuvikile, kamlagiza mtumwa wake yaite kwa waja wazime mgunda yakasole manhunda kulawa mumgunda wa zabibu. Mbali waja wazime mgunda wamtoa ija mtumwa na kabwela bila chinhu. 11Baho ija Mndewa kamlagiza mtumigwa wake imwenga, na mtumwa iyo nayo wamtoa ivija, na wamgela chinyala, na kabwela bila chinhu. 12Baho kamlagiza mtumwa wa kadatu, na ino ivija wamlumiza ng'hani na wamwasa kunze. 13Amala ija mndewa yeli na umgunda kaiuza, ‘Nhendeze niye? Nokwiza kumlagiza mwanangu yaiyeka nili na wende nayo, mmanye ino wokwiza kumtegeleza!’ 14Mbali waja wazime mgunda viwamonile mwana iyo, wailongela wenyego, ‘Ino iyo mwana mndewa iyo yeli na uhazi wa mgunda. Na chimkome na uhazi wake wokua wetu!’
15Amala wamlava hamgwazo hamgunda wa mizabebu na baho wamkoma. “Yesu kawauza, “Mmane mwenemgundakowatendaze waja walimi?” 16“Kokwiza kuwakoma walimi wose, na koweng'ha wanhu wamwenga mgunda uo wa mizebibu.” Wanhu viwahulke gano walolonga, “Habule seke galawilile gago!”
17Mbali Yesu kawalola kwa kuwagangamizila meso gake na kulonga, “Yandiko dino manake choni?
Dibwe dilemigwe na wazengaji
ijo diwa dibwe kulu da kutumanila da hamgwazo dakuzengela ng'anda.’
18Munhu yoyose yogwa mdibwe ijo kobeneka vihande vihande, na ivija dibwe ijo dihamgwila munhu, iyo munhu domhonda honda na kua kama usage.”
Wouza mbuli ya kuliha kodi kwa Kaisali
Matayo 22:15-22; Maluko 12:13-17
19Nao wafunda ndagizi na wakulu wa nhambiko wageza kumgoga Yesu bahaja, kwa vija wavimanya mfano uja uwalonga wao, mbali wawadumba wanhu. 20Kwaivo wakala wozambwila nyafasi inogile ya kumgoga. Ivo walagiza vibilikizi waitende kama wanoga kwa Yesu ili wamwamhe kwa mbuli zake ziyalonga na kumgala mwa wakulu wa silikali ya Walumi. 21Baho waja vibilikizii wamuuza Yesu, “Mfundaji, chivimanya kua kolonga na kofunda mbuli zitogoligwa. Na humbagula munhu kwa vovose viyeli, mbali kofunda nzila ya Mulungu ya ukweli. 22Tebu chilongele kama cheye cholondeka kumliha kodi Kaisali hebu hachilondeka?”
23Mbali Yesu kaumanya ubala wao, baho kawauza, mweye habali monigeza, 24“Ndagusileni sente. Chihanga chino chanani na mayandiko gano ga nani?” Wamwidika, “Ga Kaisali Mfaume mkulu wa Loma.”
25Baho Yesu kawalongela, “Vinoga, mliheni Kaisali vija va Kaisali, na mwing'heni Mulungu vija va Mulungu.”
26Baho wapotigwa kumgela mmakono kwa mbuli zija yazilongile hawanhu. Ivo wanyamala hupi, wakanganyigwa kwa ulonzi wake.
Wouza mbuli ya Uzilibuko
Matayo 22:23-33; Maluko 12:18-27
27Amala Masadukayo wamwenga, waja wolonga kua habule uzilibuko wa wafile, weza kwa Yesu na kumuuza, 28“Go mfundaji, Musa kachandikila ndagizi ino, ‘Kama munhu yahadanganika na kumleka mwehe wake bila mwana, kolondeka mkulu wake yamuhazi mgane iyo ili yamlelele wana ija mdodo wake yadanganike bila mwana.’ 29Ivo hakala na wanhu saba wa tata imwe, imkulu kasola mwehe na kadanganika bila mwana. 30Amala magati kamhazi mgane yalekigwe na mkulu wake, 31Na chibule nayo ivija. Ivo vilawilile kwa waja wose saba wadanganika bila kuleka wana. 32Mchikomelezo, na iyo muke ivija kadanganika. 33Ivo basi, mdizua da uzilibuko, iyo muke kokua mwehe wa yelihi? Kwavija kakala yasoligwe na walume wose saba.”
34Yesu kawedika, “Wanhu wa chipindi chino wasola na kusoligwa, 35mbali kwa waja wonda yawaone wolondeka wapate nyafasi ya ugima muuzilibuko chipindi icho hawasola hebu kusoligwa. 36Wao wokua kama watumigwa wa kwa Mulungu, wao wanage Mulungu, weng'higwa nyafasi ya ugima kaidi, kwavija wao wana wa uzilibuko. 37Musa ivija kagangamiza kua wafile wozilibuka. Kwa mbuli ya chija chisaka chikalile chokwaka moto bila kumala na kakala kolonga na Mndewa kama ‘Mulungu wa Ibulahimu na Mulungu wa Isaka na Mulungu wa Yakobo.’ 38Iyo Mulungu wa wagima, sio Mulungu wa wafile, manake wokala kumwake wose wana ugima.”
39Wafunda ndagizi wamwenga walonga, “Go mfundaji, kulonga goya!” 40Viwakomeleze baho, hawagezile kumuuza mbuli zimwenga kaidi.
Kilisito Mwanage nani
Matayo 22:41-46; Maluko 12:35-37
41Amala Yesu kawauza, “Wolongaze kua Kilisito yasaguligwe na Mulungu mwanage Daudi? 42Manake Daudi mwenyego kolonga mchitabau cha Zabuli,
‘Mndewa kamlongela, Mndewa wangu,
Kala ubanzi wangu wa nhogolwa,
43mbaka vonda niwatende wahasanyi wako kua chigoda cha kwikila magulu gako.
44Kama Daudi komkema ‘Mndewa,’ yokuwaze kaidi Kilisito yasaguligwe na Mulungu kua ulelo wa Daudi?”
Muitiganye na wafunda ndagizi
Matayo 23:1-36; Maluko 12:38-40
45Wanhu wose viwakalile womtegeleza, Yesu kawalongela waluko wake, 46“Itiganyeni na wanda ndagizi za Musa, wenyego wotenda nhogolwa kugenda kuno wavala ng'hanzu nhali ivija wolonda wawalamse wanhu mmasoko, wao wokala mvigoda va haulongozi mzing'anda za kuiting'hanila wayahudi, na husola nyafasi za watogoligwe mulusona, 47wowasolela wagane vinhu vao kuno woitenda wanoga na woigoda kupula kwa chipindi chitali! Wanhu kama wano wokwing'higwa nyinukila ng'hulu.”
Currently Selected:
Luka 20: KBV
Highlight
Share
Copy
Want to have your highlights saved across all your devices? Sign up or sign in
The New Testament in Kami @The Word for The World International and Kami Language translation. All rights reserved.
Luka 20
20
Wauza mbuli ya udaho wa Yesu
Matayo 21:23-27; Maluko 11:27-33
1Zua dimwe, Yesu viyakalile yofunda wanhu mui ng'anda ya Mulungu mbuli ya usenga unogile, Vilongozi wa wakulu wa nhambiko na wafunda ndagizi na wavele vilongozi weza 2na wamuuza, “Chilongele gweye kosang'na mbuli zino kwa kwa udaho ulihi? Na yalihi yakudahize?”
3Yesu kawedika, “Tanhu leka nie niwauze. Nogeleni, 4udaho wa Yohana wa kubatiza ulawa kuulanga kwa Mulungu hebu ulawa kwa wanhu?
5Mbali wao wailongela wenyego kwa wenyego, “Chomlongela choni? Chihalonga, ‘Ulawa kuulanga kwa Mulungu,’ Kochilongela, ‘Ivo habali hamumtogole?’ 6Mbali chahalonga, ‘Ulawa kwa wanhu,’ dino bumbila jose dili hano dochitoa kwa mabwe, kwa vija wamtogola kua Yohana kakala Mlagusi.” 7Baho wamwidika, “Hachimanyile kuulawile.”
8Yesu kawalongela, “Nanie siwalongela, nosang'hana gano kwa udaho ulihi.”
Mfano wa wazima mgunda wa zabibu
Matayo 21:33-46; Maluko 12:1-12
9Amala Yesu kawalongela wanhu mfano uno, “Hakala na munhu imwe yahandile mizabibu mumgunda wake, ivo kawazima walimi amala kapata mwanza kahalawa kwa chipindi chitali. 10Msimo wa mlao vuuvikile, kamlagiza mtumwa wake yaite kwa waja wazime mgunda yakasole manhunda kulawa mumgunda wa zabibu. Mbali waja wazime mgunda wamtoa ija mtumwa na kabwela bila chinhu. 11Baho ija Mndewa kamlagiza mtumigwa wake imwenga, na mtumwa iyo nayo wamtoa ivija, na wamgela chinyala, na kabwela bila chinhu. 12Baho kamlagiza mtumwa wa kadatu, na ino ivija wamlumiza ng'hani na wamwasa kunze. 13Amala ija mndewa yeli na umgunda kaiuza, ‘Nhendeze niye? Nokwiza kumlagiza mwanangu yaiyeka nili na wende nayo, mmanye ino wokwiza kumtegeleza!’ 14Mbali waja wazime mgunda viwamonile mwana iyo, wailongela wenyego, ‘Ino iyo mwana mndewa iyo yeli na uhazi wa mgunda. Na chimkome na uhazi wake wokua wetu!’
15Amala wamlava hamgwazo hamgunda wa mizabebu na baho wamkoma. “Yesu kawauza, “Mmane mwenemgundakowatendaze waja walimi?” 16“Kokwiza kuwakoma walimi wose, na koweng'ha wanhu wamwenga mgunda uo wa mizebibu.” Wanhu viwahulke gano walolonga, “Habule seke galawilile gago!”
17Mbali Yesu kawalola kwa kuwagangamizila meso gake na kulonga, “Yandiko dino manake choni?
Dibwe dilemigwe na wazengaji
ijo diwa dibwe kulu da kutumanila da hamgwazo dakuzengela ng'anda.’
18Munhu yoyose yogwa mdibwe ijo kobeneka vihande vihande, na ivija dibwe ijo dihamgwila munhu, iyo munhu domhonda honda na kua kama usage.”
Wouza mbuli ya kuliha kodi kwa Kaisali
Matayo 22:15-22; Maluko 12:13-17
19Nao wafunda ndagizi na wakulu wa nhambiko wageza kumgoga Yesu bahaja, kwa vija wavimanya mfano uja uwalonga wao, mbali wawadumba wanhu. 20Kwaivo wakala wozambwila nyafasi inogile ya kumgoga. Ivo walagiza vibilikizi waitende kama wanoga kwa Yesu ili wamwamhe kwa mbuli zake ziyalonga na kumgala mwa wakulu wa silikali ya Walumi. 21Baho waja vibilikizii wamuuza Yesu, “Mfundaji, chivimanya kua kolonga na kofunda mbuli zitogoligwa. Na humbagula munhu kwa vovose viyeli, mbali kofunda nzila ya Mulungu ya ukweli. 22Tebu chilongele kama cheye cholondeka kumliha kodi Kaisali hebu hachilondeka?”
23Mbali Yesu kaumanya ubala wao, baho kawauza, mweye habali monigeza, 24“Ndagusileni sente. Chihanga chino chanani na mayandiko gano ga nani?” Wamwidika, “Ga Kaisali Mfaume mkulu wa Loma.”
25Baho Yesu kawalongela, “Vinoga, mliheni Kaisali vija va Kaisali, na mwing'heni Mulungu vija va Mulungu.”
26Baho wapotigwa kumgela mmakono kwa mbuli zija yazilongile hawanhu. Ivo wanyamala hupi, wakanganyigwa kwa ulonzi wake.
Wouza mbuli ya Uzilibuko
Matayo 22:23-33; Maluko 12:18-27
27Amala Masadukayo wamwenga, waja wolonga kua habule uzilibuko wa wafile, weza kwa Yesu na kumuuza, 28“Go mfundaji, Musa kachandikila ndagizi ino, ‘Kama munhu yahadanganika na kumleka mwehe wake bila mwana, kolondeka mkulu wake yamuhazi mgane iyo ili yamlelele wana ija mdodo wake yadanganike bila mwana.’ 29Ivo hakala na wanhu saba wa tata imwe, imkulu kasola mwehe na kadanganika bila mwana. 30Amala magati kamhazi mgane yalekigwe na mkulu wake, 31Na chibule nayo ivija. Ivo vilawilile kwa waja wose saba wadanganika bila kuleka wana. 32Mchikomelezo, na iyo muke ivija kadanganika. 33Ivo basi, mdizua da uzilibuko, iyo muke kokua mwehe wa yelihi? Kwavija kakala yasoligwe na walume wose saba.”
34Yesu kawedika, “Wanhu wa chipindi chino wasola na kusoligwa, 35mbali kwa waja wonda yawaone wolondeka wapate nyafasi ya ugima muuzilibuko chipindi icho hawasola hebu kusoligwa. 36Wao wokua kama watumigwa wa kwa Mulungu, wao wanage Mulungu, weng'higwa nyafasi ya ugima kaidi, kwavija wao wana wa uzilibuko. 37Musa ivija kagangamiza kua wafile wozilibuka. Kwa mbuli ya chija chisaka chikalile chokwaka moto bila kumala na kakala kolonga na Mndewa kama ‘Mulungu wa Ibulahimu na Mulungu wa Isaka na Mulungu wa Yakobo.’ 38Iyo Mulungu wa wagima, sio Mulungu wa wafile, manake wokala kumwake wose wana ugima.”
39Wafunda ndagizi wamwenga walonga, “Go mfundaji, kulonga goya!” 40Viwakomeleze baho, hawagezile kumuuza mbuli zimwenga kaidi.
Kilisito Mwanage nani
Matayo 22:41-46; Maluko 12:35-37
41Amala Yesu kawauza, “Wolongaze kua Kilisito yasaguligwe na Mulungu mwanage Daudi? 42Manake Daudi mwenyego kolonga mchitabau cha Zabuli,
‘Mndewa kamlongela, Mndewa wangu,
Kala ubanzi wangu wa nhogolwa,
43mbaka vonda niwatende wahasanyi wako kua chigoda cha kwikila magulu gako.
44Kama Daudi komkema ‘Mndewa,’ yokuwaze kaidi Kilisito yasaguligwe na Mulungu kua ulelo wa Daudi?”
Muitiganye na wafunda ndagizi
Matayo 23:1-36; Maluko 12:38-40
45Wanhu wose viwakalile womtegeleza, Yesu kawalongela waluko wake, 46“Itiganyeni na wanda ndagizi za Musa, wenyego wotenda nhogolwa kugenda kuno wavala ng'hanzu nhali ivija wolonda wawalamse wanhu mmasoko, wao wokala mvigoda va haulongozi mzing'anda za kuiting'hanila wayahudi, na husola nyafasi za watogoligwe mulusona, 47wowasolela wagane vinhu vao kuno woitenda wanoga na woigoda kupula kwa chipindi chitali! Wanhu kama wano wokwing'higwa nyinukila ng'hulu.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Kami @The Word for The World International and Kami Language translation. All rights reserved.