انجیلِ مَرقُس 8
8
غذا دایَن وَ چار هزار نفر
1مِنِه او روزَل، اُمبِلا جمعیت زیادی جَم وابی‌یِن وِ سی‌یِکِه چیئی سی خَردَن نَیاشتِن، عیسی شاگردَلِشَه صیا کِه وُ وَشون فرمایش کِه: 2«دِلُم سی ای مردم ایسوزِه، سی‌یِکِه ایسِه سه روزِه که بِی مِنِن وِ چیئی سی خَردَن نَیارِن. 3اَر اونگَلَه گُسنَه رُونَه کِنُم تا بِرَن وَ حونه‌یَلِشون، مِنِه قَدِ رَه وَ پا ایدَران، سی‌یِکِه یِه‌پاره‌ایشون وَ رَه دیری اومَنِه.» 4شاگردل مِنِه جواب گُتِن: «مِنِه ای بیابون سی سیر کِردَنِ اینگَل، نون وَ کوچه بیاریم؟» 5عیسی پُرسی: «چَن نون داریت؟» گُتِن: «هَف نون.» 6اوسِه وَ جماعت فرمایش کِه تا بِشینِن ری زمین. اوسِه هَف نونَه وَگِرُت وِ بعدَ شکر کِردَن، تِکَه تِکَه کِه وِ دا وَ شاگردَلِش تا بِنِن طِی مردُم؛ وِ شاگردل هَم هَمی کارَ کِردِن. 7چَنتا ماهی کِچِلو هَم داشتِن. پَ عیسی اونگَلَه برکت دا وِ فرمایش کِه تا بِنِن طِی مردُم. 8همَه خَردِن وِ سیر وابی‌یِن وِ هَف سَلَه هَم وَ خُردِه‌یَلِ باقی‌مُندَه پُر کِردِن. 9وُچِه حدودِ چار هزار نفر بییِن. اوسِه عیسی جماعتَه مُرخص کِه 10وِ زی بِی شاگردل سُوارِ قایق وابی وِ رَت وَ منطقۀ دالمانوتا.
درخواسِ یِه نِشونۀ آسمونی
11عالِمَلِ فرقۀ فَریسی اومَن طِی عیسی وِ باش نِشَسِن وَ بحث کِردَن. اونگَل سی امتحان، یِه نِشونۀ آسمونی وَش خواسِن. 12امّا عیسی حِناسَه‌ای وَ دل کَشی وِ گُت: «سیچِه ای نسل یِه نِشونَه ایخوا؟ وَراسی، وَ ایشا ایگُم، هیچ نِشونه‌ای وَشون دایَه نیابو.» 13اوسِه اونگَلَه وِل کِه وِ اُمبِلا سُوارِ قایق وابی، رَت وَ اولَتِ دریاچَه.
خمیرمایۀ فَریسی‌یَل وِ هیرودیس
14شاگردَل وَ حوشِشون رَتَه بی بِی خِشون نون وَگِرِن، وِ مِنِه قایق بیشتَرَ یِه نون نَیاشتِن. 15عیسی وَشون هُشتار دا وِ فرمایش کِه: «حَواستون بو وُ وَ خمیرمایۀ فَریسی‌یَل وِ خمیرمایۀ هیرودیس دیری کِنیت.» 16شاگردَل دَرموردِ یِکِه نون نَیارِن شروع کِردِن وَ بحث کِردَن بِی یَک. 17عیسی که یِنَه فَمِسَه بی، وَشون گُت: «سیچِه درموردِ یِکِه نون نَیاریت بِی یَک بحث ایکِنیت؟ مَه هَنی نُونیت وِ نیفَمیت؟ مَه هَنی دِلتون سختِه؟ 18مَه تییَه داریت وِ نیبینیت وِ گوش داریت وِ نیشنِفیت؟ وِ مَه وَ حوشِتون نیا؟ 19موقِی که پنج نونَه سی پنج هزار نفر تِکَه تِکَه کِردُم، چَن سَلَۀ پُر وَ خُردَه‌نونَلِ باقی‌مُندَه جَم کِردیت؟» گُتِن: «دُوازَه سَلَه.» 20«وِ وختی هَف نونَه سی چار هزار نفر، چَن سَلَۀ پُر وَ خُردَه‌نونَلِ باقی‌مُندَه جَم کِردیت؟» گُتِن: «هَف سَلَه.» 21اوسِه عیسی وَشون فرمایش کِه: «یعنی هَنی هَم نیفَمیت؟»
شَفِی مِردِ کور مِنِه بِیت‌صِیدا
22وختی رَسییِن وَ بِیت‌صِیدا، عِدِه‌ای مِردِ کوری نَه آوُردِن طِی عیسی، تمنا کِردِن وَش دَس بِنِه. 23عیسی دَسِ او مِردِ کورَ گِرُت وُ وِّ نَه وَ دهات بُرد وَدَر. اوسِه تُفکَشَه وِردا وَ تییَلِ او مِرد وِ دَسَلِشَه نَها وَ ری تییَلِش وِ پُرسی: «چیئی ایبینی؟» 24او مِرد سرِشَه راس کِه وِ گُت: «مردمَه مِی دارَلی ایبینُم که رَه ایرَن.» 25پَ عیسی یِه دَف‌دَه دَسَلِشَه نَها وَ تییَلِ او مِرد. اوسِه تییَلِش واز وابی، بُر بییَنِ تییَلِشَه وَ دَس آوُرد، وِ هَمَه چی نَه وَ خوبی ایدی. 26عیسی رُونَش کِه وَ حونَه وِ فرمایش کِه: «دَ نَوَرگَرد وَ دهات.»
اعتراف پِطرُس درموردِ عیسی
27عیسی بِی شاگردلِش رَت وَ دهاتَلِ دورِبالِ قیصریۀ فیلیپی. مِنِه رَه، وَ شاگردلِش پُرسی: «وَ نظرِ مردم مِ کی‌یَم؟» 28جواب دان: « یِه‌پاره‌ای ایگُن یحیِی تعمیددَهندَه یِی، عِدِه‌ای ایگُن ایلیایِ پیغمبری وِ عِدِه‌ای دَ هَم ایگُن یکی وَ پیغمبرَلی.» 29امّا عیسی وَشون پُرسی: «ایشا چه ایگِیت؟ وَ نظرِ ایشا مِ کی‌یَم؟» پطرس جواب دا: «تِ مسیحِ موعودی.» 30عیسی وَشون سخت قَدَقَن کِه درموردِ وُّ وَ کسی چیئی نَگُن.
پیشگویی عیسی درموردِ مُردَن و زندَه وابی‌یَنِ خُوش
31عیسی شروع کِه وَ تعلیم دایَنِ اونگَل که لازمِه کِرِ انسان مَهلی عذاب بِکَشه وُ وَ طرفِ شیخَل وِ کاهنلِ گَپو وِ معلملِ تورات رَد وابو، کشتَه وابو وِ بعدَ سه رو زِندَه وابو. 32وختی عیسی یِنَه آشکارا گُت، پِطرس عیسی نَه بُرد اوبال وِ شروع کِه وَ نَهی کِردَنِش. 33امّا عیسی ریشَه وَرگَردَنا، سِیلی وَ شاگردلِش کِه وِ پطرسَ نَهی کِه وِ گُت: «دیر وابو وَم، ای شِیطون! سی‌یِکِه فکرَلِ تِ انسانی یَه، نَه خدایی.»
34اوسِه جماعتَه بِی شاگردَلِش صیا کِه وُ وَشون گُت: «اَر کسی بِخوا وَ مِ پیروی کِنِه، باید وَ خُوش بِگذَرِه، صلیبِ خِشَه وَگِرِه وُ وَ دینِ مِ بیا. 35سی‌یِکِه هرکه بِخوا جونِ خِشَه نجات بییِه، وِه نَه وَ دَس اییِه؛ امّا هرکه وَ خاطرِ مو وُ وَ خاطرِ انجیل جونِشَه وَ دَس بییِه، وِه نَه نجات اییِه. 36چِه فِیدِه‌ای سی آیَم دارِه که تمومِ دنیا نَه وَدَس بیارِه امّا جونِشَه وَدَس بییِه؟ 37آیَم وَ عَوَضِ جونِ خُوش ایتَرِه چه بییِه؟ 38سی‌یِکِه هرکه وَ مابینِ ای نسلِ زناکار وِ گِناکار وَ مِ وِ گَپَلُم عار داشتَه بو، کِرِ انسان هم، اوسِه که مِنِه جلالِ بُوش بِی فرشته‌یَلِ مقدّس بیا، وَش عار داره.»
Currently Selected:
انجیلِ مَرقُس 8: SLB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
انجیلِ مَرقُس 8
8
غذا دایَن وَ چار هزار نفر
1مِنِه او روزَل، اُمبِلا جمعیت زیادی جَم وابی‌یِن وِ سی‌یِکِه چیئی سی خَردَن نَیاشتِن، عیسی شاگردَلِشَه صیا کِه وُ وَشون فرمایش کِه: 2«دِلُم سی ای مردم ایسوزِه، سی‌یِکِه ایسِه سه روزِه که بِی مِنِن وِ چیئی سی خَردَن نَیارِن. 3اَر اونگَلَه گُسنَه رُونَه کِنُم تا بِرَن وَ حونه‌یَلِشون، مِنِه قَدِ رَه وَ پا ایدَران، سی‌یِکِه یِه‌پاره‌ایشون وَ رَه دیری اومَنِه.» 4شاگردل مِنِه جواب گُتِن: «مِنِه ای بیابون سی سیر کِردَنِ اینگَل، نون وَ کوچه بیاریم؟» 5عیسی پُرسی: «چَن نون داریت؟» گُتِن: «هَف نون.» 6اوسِه وَ جماعت فرمایش کِه تا بِشینِن ری زمین. اوسِه هَف نونَه وَگِرُت وِ بعدَ شکر کِردَن، تِکَه تِکَه کِه وِ دا وَ شاگردَلِش تا بِنِن طِی مردُم؛ وِ شاگردل هَم هَمی کارَ کِردِن. 7چَنتا ماهی کِچِلو هَم داشتِن. پَ عیسی اونگَلَه برکت دا وِ فرمایش کِه تا بِنِن طِی مردُم. 8همَه خَردِن وِ سیر وابی‌یِن وِ هَف سَلَه هَم وَ خُردِه‌یَلِ باقی‌مُندَه پُر کِردِن. 9وُچِه حدودِ چار هزار نفر بییِن. اوسِه عیسی جماعتَه مُرخص کِه 10وِ زی بِی شاگردل سُوارِ قایق وابی وِ رَت وَ منطقۀ دالمانوتا.
درخواسِ یِه نِشونۀ آسمونی
11عالِمَلِ فرقۀ فَریسی اومَن طِی عیسی وِ باش نِشَسِن وَ بحث کِردَن. اونگَل سی امتحان، یِه نِشونۀ آسمونی وَش خواسِن. 12امّا عیسی حِناسَه‌ای وَ دل کَشی وِ گُت: «سیچِه ای نسل یِه نِشونَه ایخوا؟ وَراسی، وَ ایشا ایگُم، هیچ نِشونه‌ای وَشون دایَه نیابو.» 13اوسِه اونگَلَه وِل کِه وِ اُمبِلا سُوارِ قایق وابی، رَت وَ اولَتِ دریاچَه.
خمیرمایۀ فَریسی‌یَل وِ هیرودیس
14شاگردَل وَ حوشِشون رَتَه بی بِی خِشون نون وَگِرِن، وِ مِنِه قایق بیشتَرَ یِه نون نَیاشتِن. 15عیسی وَشون هُشتار دا وِ فرمایش کِه: «حَواستون بو وُ وَ خمیرمایۀ فَریسی‌یَل وِ خمیرمایۀ هیرودیس دیری کِنیت.» 16شاگردَل دَرموردِ یِکِه نون نَیارِن شروع کِردِن وَ بحث کِردَن بِی یَک. 17عیسی که یِنَه فَمِسَه بی، وَشون گُت: «سیچِه درموردِ یِکِه نون نَیاریت بِی یَک بحث ایکِنیت؟ مَه هَنی نُونیت وِ نیفَمیت؟ مَه هَنی دِلتون سختِه؟ 18مَه تییَه داریت وِ نیبینیت وِ گوش داریت وِ نیشنِفیت؟ وِ مَه وَ حوشِتون نیا؟ 19موقِی که پنج نونَه سی پنج هزار نفر تِکَه تِکَه کِردُم، چَن سَلَۀ پُر وَ خُردَه‌نونَلِ باقی‌مُندَه جَم کِردیت؟» گُتِن: «دُوازَه سَلَه.» 20«وِ وختی هَف نونَه سی چار هزار نفر، چَن سَلَۀ پُر وَ خُردَه‌نونَلِ باقی‌مُندَه جَم کِردیت؟» گُتِن: «هَف سَلَه.» 21اوسِه عیسی وَشون فرمایش کِه: «یعنی هَنی هَم نیفَمیت؟»
شَفِی مِردِ کور مِنِه بِیت‌صِیدا
22وختی رَسییِن وَ بِیت‌صِیدا، عِدِه‌ای مِردِ کوری نَه آوُردِن طِی عیسی، تمنا کِردِن وَش دَس بِنِه. 23عیسی دَسِ او مِردِ کورَ گِرُت وُ وِّ نَه وَ دهات بُرد وَدَر. اوسِه تُفکَشَه وِردا وَ تییَلِ او مِرد وِ دَسَلِشَه نَها وَ ری تییَلِش وِ پُرسی: «چیئی ایبینی؟» 24او مِرد سرِشَه راس کِه وِ گُت: «مردمَه مِی دارَلی ایبینُم که رَه ایرَن.» 25پَ عیسی یِه دَف‌دَه دَسَلِشَه نَها وَ تییَلِ او مِرد. اوسِه تییَلِش واز وابی، بُر بییَنِ تییَلِشَه وَ دَس آوُرد، وِ هَمَه چی نَه وَ خوبی ایدی. 26عیسی رُونَش کِه وَ حونَه وِ فرمایش کِه: «دَ نَوَرگَرد وَ دهات.»
اعتراف پِطرُس درموردِ عیسی
27عیسی بِی شاگردلِش رَت وَ دهاتَلِ دورِبالِ قیصریۀ فیلیپی. مِنِه رَه، وَ شاگردلِش پُرسی: «وَ نظرِ مردم مِ کی‌یَم؟» 28جواب دان: « یِه‌پاره‌ای ایگُن یحیِی تعمیددَهندَه یِی، عِدِه‌ای ایگُن ایلیایِ پیغمبری وِ عِدِه‌ای دَ هَم ایگُن یکی وَ پیغمبرَلی.» 29امّا عیسی وَشون پُرسی: «ایشا چه ایگِیت؟ وَ نظرِ ایشا مِ کی‌یَم؟» پطرس جواب دا: «تِ مسیحِ موعودی.» 30عیسی وَشون سخت قَدَقَن کِه درموردِ وُّ وَ کسی چیئی نَگُن.
پیشگویی عیسی درموردِ مُردَن و زندَه وابی‌یَنِ خُوش
31عیسی شروع کِه وَ تعلیم دایَنِ اونگَل که لازمِه کِرِ انسان مَهلی عذاب بِکَشه وُ وَ طرفِ شیخَل وِ کاهنلِ گَپو وِ معلملِ تورات رَد وابو، کشتَه وابو وِ بعدَ سه رو زِندَه وابو. 32وختی عیسی یِنَه آشکارا گُت، پِطرس عیسی نَه بُرد اوبال وِ شروع کِه وَ نَهی کِردَنِش. 33امّا عیسی ریشَه وَرگَردَنا، سِیلی وَ شاگردلِش کِه وِ پطرسَ نَهی کِه وِ گُت: «دیر وابو وَم، ای شِیطون! سی‌یِکِه فکرَلِ تِ انسانی یَه، نَه خدایی.»
34اوسِه جماعتَه بِی شاگردَلِش صیا کِه وُ وَشون گُت: «اَر کسی بِخوا وَ مِ پیروی کِنِه، باید وَ خُوش بِگذَرِه، صلیبِ خِشَه وَگِرِه وُ وَ دینِ مِ بیا. 35سی‌یِکِه هرکه بِخوا جونِ خِشَه نجات بییِه، وِه نَه وَ دَس اییِه؛ امّا هرکه وَ خاطرِ مو وُ وَ خاطرِ انجیل جونِشَه وَ دَس بییِه، وِه نَه نجات اییِه. 36چِه فِیدِه‌ای سی آیَم دارِه که تمومِ دنیا نَه وَدَس بیارِه امّا جونِشَه وَدَس بییِه؟ 37آیَم وَ عَوَضِ جونِ خُوش ایتَرِه چه بییِه؟ 38سی‌یِکِه هرکه وَ مابینِ ای نسلِ زناکار وِ گِناکار وَ مِ وِ گَپَلُم عار داشتَه بو، کِرِ انسان هم، اوسِه که مِنِه جلالِ بُوش بِی فرشته‌یَلِ مقدّس بیا، وَش عار داره.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company