Потон 8
8
8-тӥ ЛЮКЕТ
1Кузё-Инмар Моисейлы шуиз: «Фараон доры мыныса, тазьы шу: ”Кузё-Инмар тазьы шуэ: Мынэсьтым калыкме кошкыны лэзь, со, Мыным сӥзьыса, вӧсяськон ортчытыны мед быгатоз; 2нош ӧд ке лэзьы, соку тынад быдэс музъем вылад эбекъёсты лэзё: 3шур эбекъёсын пачылмоз, собере соос шурысь потозы но тынад коркад, кӧлан интыяд пырозы, валес вылад тубозы, ляльчиосыдлэн, калыкедлэн коркаосазы пырозы, гуръёс пушкад, нянь шумесъёсад пырозы; 4тон вылэ, калыкед вылэ, вань ляльчиосыд вылэ эбекъёс тубозы”». 5Соку Кузё-Инмар Моисейлы шуиз: «Ааронлы [агаедлы] тазьы шу: ”Киысьтыд бодыдэ шуръёс вылэ, ошмес вайёс, тыос вылэ ӝут но эбекъёсты Египет музъем вылэ потты”». 6Аарон кизэ Египетысь вуос вылэ ӝутӥз [но отысь эбекъёсты поттӥз]; эбекъёс потӥзы но Египет музъемез шобыртӥзы. 7Тазьы ик лэсьтӥзы [Египетысь] туноос но тунаськон-пелляськон сямынызы, Египет музъем вылэ эбекъёсты поттӥзы. 8Соку фараон Моисеен Ааронэз дораз ӧтьыса шуиз: «[Мон понна] Кузё-Инмар азьын вӧсяське, мон котырысь, калыке котырысь эбекъёсты мед уллялоз, соку мон израиль калыкез Кузё-Инмарлы курбон сётыны мыныны лэзё». 9Моисей фараонлы шуиз: «Дырзэ вера, тон дорысь, [калыкед дорысь,] тынад коркаосысьтыд эбекъёс мед ышозы-бырозы, шуре гинэ мед кылёзы шуыса, ку мон тон понна, тынад ляльчиосыд понна, тынад калыкед понна вӧсяськыны кулэ?» 10Фараон шуиз: «Ӵуказе». Моисей шуиз: «Кызьы тон верад, озьы луоз, тон мед тодод: милям Инмармы Кузё-Инмар кадез нокин но ӧвӧл; 11тон дорысь, коркаосысьтыд, [бусыосысьтыд,] ляльчиосыд дорысь, калыкед дорысь эбекъёс кошкозы, шуре гинэ соос кылёзы на». 12Моисеен Аарон фараон дорысь потӥзы но фараон вылэ ыстэм эбекъёс пумысен Моисей Кузё-Инмарлы вазиськиз. 13Моисейлэсь куремзэ Кузё-Инмар быдэстӥз: коркаос пушкысь, азбаръёсысь, бусыосысь эбекъёс кулӥзы; 14соосты огазе люкъёсы тыризы но, музъемысь зын потыны кутскиз. 15Фараон шугадӟонъёс быризы шуыса адӟиз но нош ик сюлэмзэ лекомытӥз, Моисеен Ааронлэсь верамзэс санэ ӧз поны, кызьы азьвыл ик Кузё-Инмар вераз вал.
16Соку Кузё-Инмар Моисейлы шуиз: «Ааронлы тазьы шу: ”[Киыныд] бодыдэ ӝут но музъем вылысь тузон вылэ шуккы, соку [нымы-кибыос адямиос вылэ, пудо вылэ, фараон вылэ пуксёзы, солэн корказ, ляльчиосыз вылэ пуксёзы], быдэс Египет музъем вылысь [вань] тузон нымы-кибыослы пӧрмоз”». 17Соос озьы ик лэсьтӥзы: Аарон, бодызэ кутыса, кизэ ӝутӥз но музъем вылысь тузон вылэ шуккиз, соку ик нымы-кибыос адямиос, пудоос вылэ пуксьылыны кутскизы. Быдэс Египет музъемысь вань тузон нымы-кибыослы пӧрмиз. 18Туноос но тунаськон-пелляськон амалъёсынызы тыршизы нымы-кибыосты поттыны, но ӧз пӧрмы. Адямиос вылын, пудо вылын нымы-кибыос пукизы. 19Соку туноос фараонлы шуизы: «Та – Инмарлэн чиньыез». Нош фараонлэн сюлэмыз лекомиз, таослэсь верамзэс санэ ӧз поны, кызьы азьвыл ик вераз вал Кузё-Инмар.
20Соку Кузё-Инмар Моисейлы шуиз: «Ӵуказе ӵукна вазь ик султы но фараон доры мын. Тани, со ву дуре мыноз, соку тон солы шу: ”Тазьы шуэ Кузё-Инмар: Мынэсьтым калыкме кошкыны лэзь, [луоё кыр дуннеын] со, Мыным сӥзьыса, вӧсяськон ортчытыны мед быгатоз; 21нош Мынэсьтым калыкме кошкыны ӧд ке лэзьы, соку Мон тон вылэ, ляльчиосыд вылэ, калыкед вылэ, коркаосыд пушкы лузьёсты лэзё, египет калыклэн коркаосаз, улоно музъем вылаз но пачылаз лузьёс люкаськозы; 22но со нуналэ Мон Аслам калыкелэсь улоно музъемзэ, Гесемез, висъяло, отын лузьёс уз луэ, – тон мед тодод: Мон Кузё-Инмар [быдэс] музъем выллэн [Инмарез]; 23Аслэсьтым калыкме тынад калыкедлэсь висъяло. Ӵуказе [музъем вылын] таӵе паймымон тодмет луоз”». 24Озьы ик лэсьтӥз Кузё-Инмар: туж трос лузьёс фараонлэн корказ, ляльчиосызлэн коркаосазы пыризы, быдэс Египет музъем вылэ урдскизы: лузьёсын сэрен музъем бырон калэ вуиз. 25Фараон Моисеен Ааронэз дораз ӧтьытӥз, со шуиз: «Мынэлэ но та музъемын Инмардылы [Кузё-Инмарлы] курбон сётэ». 26Нош Моисей шуиз: «Тае лэсьтыны уг яра, малы ке шуоно асьмелэн Инмармылы Кузё-Инмарлы курбон сётонмы Египетысь калык понна юрӟым потоз: Египетысь калык понна юрӟым курбонъёс соослэн син азязы сётъяны кутскимы ке, соос милемды, изъёсын тышкаса, уз виылэ-а? 27Ми луоё кыр дуннее куинь нунал мынон кеме кошкомы но Инмармылы Кузё-Инмарлы курбон сётомы, кызьы [Кузё-Инмар] милемыз косоз». 28Соку фараон шуиз: «Инмардылы Кузё-Инмарлы курбон сётыны тӥледыз луоё кыр дуннее кошкыны лэзё, но укыр кыдёке эн кошке; мон понна [Кузё-Инмар азьын] вӧсяське». 29Моисей шуиз: «Тани, мон, тон дорысь потыса, [Инмарлы] Кузё-Инмарлы вӧсясько, соку лузьёс ӵуказе ик фараон дорысь кошкозы, солэн ляльчиосыз дорысь но, калыкез дорысь но кошкозы; только фараон ӧрекчаськемысь мед дугдоз, калыкмес Кузё-Инмарлы курбон сётыны кошкыны лэзьытэк медаз улы». 30Моисей фараон дорысь потӥз но Кузё-Инмарлы вӧсяськиз. 31Моисейлэсь куриськемзэ Кузё-Инмар кабыл басьтӥз но лузьёсты фараон дорысь, ляльчиосыз дорысь, солэн калыкез дорысь улляз: одӥгтэм ваньзы быризы. 32Нош фараон нош ик сюлэмзэ лекомытӥз – калыкез кошкыны ӧз лэзьы.
Currently Selected:
Потон 8: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Потон 8
8
8-тӥ ЛЮКЕТ
1Кузё-Инмар Моисейлы шуиз: «Фараон доры мыныса, тазьы шу: ”Кузё-Инмар тазьы шуэ: Мынэсьтым калыкме кошкыны лэзь, со, Мыным сӥзьыса, вӧсяськон ортчытыны мед быгатоз; 2нош ӧд ке лэзьы, соку тынад быдэс музъем вылад эбекъёсты лэзё: 3шур эбекъёсын пачылмоз, собере соос шурысь потозы но тынад коркад, кӧлан интыяд пырозы, валес вылад тубозы, ляльчиосыдлэн, калыкедлэн коркаосазы пырозы, гуръёс пушкад, нянь шумесъёсад пырозы; 4тон вылэ, калыкед вылэ, вань ляльчиосыд вылэ эбекъёс тубозы”». 5Соку Кузё-Инмар Моисейлы шуиз: «Ааронлы [агаедлы] тазьы шу: ”Киысьтыд бодыдэ шуръёс вылэ, ошмес вайёс, тыос вылэ ӝут но эбекъёсты Египет музъем вылэ потты”». 6Аарон кизэ Египетысь вуос вылэ ӝутӥз [но отысь эбекъёсты поттӥз]; эбекъёс потӥзы но Египет музъемез шобыртӥзы. 7Тазьы ик лэсьтӥзы [Египетысь] туноос но тунаськон-пелляськон сямынызы, Египет музъем вылэ эбекъёсты поттӥзы. 8Соку фараон Моисеен Ааронэз дораз ӧтьыса шуиз: «[Мон понна] Кузё-Инмар азьын вӧсяське, мон котырысь, калыке котырысь эбекъёсты мед уллялоз, соку мон израиль калыкез Кузё-Инмарлы курбон сётыны мыныны лэзё». 9Моисей фараонлы шуиз: «Дырзэ вера, тон дорысь, [калыкед дорысь,] тынад коркаосысьтыд эбекъёс мед ышозы-бырозы, шуре гинэ мед кылёзы шуыса, ку мон тон понна, тынад ляльчиосыд понна, тынад калыкед понна вӧсяськыны кулэ?» 10Фараон шуиз: «Ӵуказе». Моисей шуиз: «Кызьы тон верад, озьы луоз, тон мед тодод: милям Инмармы Кузё-Инмар кадез нокин но ӧвӧл; 11тон дорысь, коркаосысьтыд, [бусыосысьтыд,] ляльчиосыд дорысь, калыкед дорысь эбекъёс кошкозы, шуре гинэ соос кылёзы на». 12Моисеен Аарон фараон дорысь потӥзы но фараон вылэ ыстэм эбекъёс пумысен Моисей Кузё-Инмарлы вазиськиз. 13Моисейлэсь куремзэ Кузё-Инмар быдэстӥз: коркаос пушкысь, азбаръёсысь, бусыосысь эбекъёс кулӥзы; 14соосты огазе люкъёсы тыризы но, музъемысь зын потыны кутскиз. 15Фараон шугадӟонъёс быризы шуыса адӟиз но нош ик сюлэмзэ лекомытӥз, Моисеен Ааронлэсь верамзэс санэ ӧз поны, кызьы азьвыл ик Кузё-Инмар вераз вал.
16Соку Кузё-Инмар Моисейлы шуиз: «Ааронлы тазьы шу: ”[Киыныд] бодыдэ ӝут но музъем вылысь тузон вылэ шуккы, соку [нымы-кибыос адямиос вылэ, пудо вылэ, фараон вылэ пуксёзы, солэн корказ, ляльчиосыз вылэ пуксёзы], быдэс Египет музъем вылысь [вань] тузон нымы-кибыослы пӧрмоз”». 17Соос озьы ик лэсьтӥзы: Аарон, бодызэ кутыса, кизэ ӝутӥз но музъем вылысь тузон вылэ шуккиз, соку ик нымы-кибыос адямиос, пудоос вылэ пуксьылыны кутскизы. Быдэс Египет музъемысь вань тузон нымы-кибыослы пӧрмиз. 18Туноос но тунаськон-пелляськон амалъёсынызы тыршизы нымы-кибыосты поттыны, но ӧз пӧрмы. Адямиос вылын, пудо вылын нымы-кибыос пукизы. 19Соку туноос фараонлы шуизы: «Та – Инмарлэн чиньыез». Нош фараонлэн сюлэмыз лекомиз, таослэсь верамзэс санэ ӧз поны, кызьы азьвыл ик вераз вал Кузё-Инмар.
20Соку Кузё-Инмар Моисейлы шуиз: «Ӵуказе ӵукна вазь ик султы но фараон доры мын. Тани, со ву дуре мыноз, соку тон солы шу: ”Тазьы шуэ Кузё-Инмар: Мынэсьтым калыкме кошкыны лэзь, [луоё кыр дуннеын] со, Мыным сӥзьыса, вӧсяськон ортчытыны мед быгатоз; 21нош Мынэсьтым калыкме кошкыны ӧд ке лэзьы, соку Мон тон вылэ, ляльчиосыд вылэ, калыкед вылэ, коркаосыд пушкы лузьёсты лэзё, египет калыклэн коркаосаз, улоно музъем вылаз но пачылаз лузьёс люкаськозы; 22но со нуналэ Мон Аслам калыкелэсь улоно музъемзэ, Гесемез, висъяло, отын лузьёс уз луэ, – тон мед тодод: Мон Кузё-Инмар [быдэс] музъем выллэн [Инмарез]; 23Аслэсьтым калыкме тынад калыкедлэсь висъяло. Ӵуказе [музъем вылын] таӵе паймымон тодмет луоз”». 24Озьы ик лэсьтӥз Кузё-Инмар: туж трос лузьёс фараонлэн корказ, ляльчиосызлэн коркаосазы пыризы, быдэс Египет музъем вылэ урдскизы: лузьёсын сэрен музъем бырон калэ вуиз. 25Фараон Моисеен Ааронэз дораз ӧтьытӥз, со шуиз: «Мынэлэ но та музъемын Инмардылы [Кузё-Инмарлы] курбон сётэ». 26Нош Моисей шуиз: «Тае лэсьтыны уг яра, малы ке шуоно асьмелэн Инмармылы Кузё-Инмарлы курбон сётонмы Египетысь калык понна юрӟым потоз: Египетысь калык понна юрӟым курбонъёс соослэн син азязы сётъяны кутскимы ке, соос милемды, изъёсын тышкаса, уз виылэ-а? 27Ми луоё кыр дуннее куинь нунал мынон кеме кошкомы но Инмармылы Кузё-Инмарлы курбон сётомы, кызьы [Кузё-Инмар] милемыз косоз». 28Соку фараон шуиз: «Инмардылы Кузё-Инмарлы курбон сётыны тӥледыз луоё кыр дуннее кошкыны лэзё, но укыр кыдёке эн кошке; мон понна [Кузё-Инмар азьын] вӧсяське». 29Моисей шуиз: «Тани, мон, тон дорысь потыса, [Инмарлы] Кузё-Инмарлы вӧсясько, соку лузьёс ӵуказе ик фараон дорысь кошкозы, солэн ляльчиосыз дорысь но, калыкез дорысь но кошкозы; только фараон ӧрекчаськемысь мед дугдоз, калыкмес Кузё-Инмарлы курбон сётыны кошкыны лэзьытэк медаз улы». 30Моисей фараон дорысь потӥз но Кузё-Инмарлы вӧсяськиз. 31Моисейлэсь куриськемзэ Кузё-Инмар кабыл басьтӥз но лузьёсты фараон дорысь, ляльчиосыз дорысь, солэн калыкез дорысь улляз: одӥгтэм ваньзы быризы. 32Нош фараон нош ик сюлэмзэ лекомытӥз – калыкез кошкыны ӧз лэзьы.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016