Потон 4
4
4-тӥ ЛЮКЕТ
1Ответ сётыса, Моисей шуиз: «Соос мыным ӧз оске ке, верам кылме санэ ӧз понэ ке, шуизы ке: ”Кузё-Инмар тыныд ӧз возьматскы”? [мар соослы соку шуоно?]» 2Кузё-Инмар солы шуиз: «Тынад кияд мар со?» Со шуиз: «Пудо возьман боды». 3Кузё-Инмар шуиз: «Музъем вылэ сое кушты». Сое со музъем вылэ куштӥз но, бодыез кыйлы пӧрмиз, Моисей со дорысь бызьыса кошкиз. 4Соку Моисейлы Кузё-Инмар шуиз: «Кидэ ӝутыса, быжтӥз кут сое». Со кизэ ӝутӥз но сое [быжтӥз] кутӥз; солэн кияз со нош ик боды луиз. 5«Та понна со: [тыныд] мед оскозы, соослэн атайёссылэн Инмарзы, Авраамлэн Инмарез, Исааклэн Инмарез, Иаковлэн Инмарез Кузё-Инмар тыныд возьматскиз шуыса». 6Кузё-Инмар солы шуиз на: «Кидэ пияд пон». Соку со аслэсьтыз кизэ пияз понӥз, [пиысьтыз] кизэ поттӥз но, тани, киыз гижлочерен#4:6 гижлочер – проказа шобырскиз, лымы кадь тӧдьы луиз. 7[Кузё-Инмар солы] тазьы шуиз [на]: «Кидэ нош ик пияд пон». Кизэ нош ик пияз понӥз, сое пиысьтыз поттӥз, тани, со нош ик аслаз мугорыз кадь луиз. 8«Соос тыныд ӧз ке оске, нырысь паймымон тодметэз санэ ӧз ке басьтэ, оскозы мукетызлы паймымон тодметлы; 9кыкезлы ик та паймымон тодметъёслы ӧз ке оске, тынэсьтыд верам кылдэ санэ ӧз ке понэ, соку шурысь ву омырты но музъем вылэ кисьты; соку шурысь омыртэм ву музъем вылын вирлы пӧрмоз».
10Соку Моисей Кузё-Инмарлы шуиз: «Э, Кузё-Инмаре! Мон кыллы усто адями ӧвӧл, толон но, толон валлян но мон сыӵе ик вал, ас ляльчиеныд вераськыны кутскон вакытад но сыӵе ик вал: мон секытэн, могаса вераськисько». 11Кузё-Инмар [Моисейлы] шуиз: «Адямилы кин ым сётӥз? Кин сое кылтэм, пельтэм каре, адӟись яке адӟисьтэм каре? Мон – [Инмар] Кузё-Инмар озьы уг-а кариськы? 12Озьыен, мын, вераськыкуд Мон тонэн огазьын луо, дышето, мар вераны кулэ». 13[Моисей] шуиз: «Кузё-Инмаре! Мукетсэ ысты, кинэ ыстыны быгатӥськод». 14Соку Кузё-Инмарлэн Моисей вылэ вожпотонэз ӝуатскиз но Со шуиз: «Ӧвӧл шат тынад Левий выжыысь потэм Аарон агаед? Мон тодӥсько, со [тон интые] вераськыны быгатоз шуыса, но тани, со тынад пумитад потоз но тонэ адӟем бераз солэн сюлмыз шумпотоз; 15тон солы вералод, [Мынэсьтым] верам кылъёсме солэн кылыныз-ымыныз вераны солы эрик сётод, нош Мон, тон вераськыку, тынад вӧзад луо, со вераськыку но, солэн вӧзаз луо, тӥледыз дышето, мар лэсьтыны кулэ; 16тон интые со калыклы вералоз; озьыен, со тынад кылыд-ымыд луоз, нош тон солы Инмар интыын луод; 17[кыйлы пӧрмытэм] бодыез ас кияд басьты: соин тон паймымон ужъёс лэсьтылод». 18Моисей Иофор варматаез доры берытскиз но солы со шуиз: «Мон кошко, Египетысь агай-вынъёсы доры берытско, учко, улэпесь на-а соос?» Соку Иофор Моисейлы шуиз: «Каньыллыкен мын». [Трос дыр ортчем бере Египетлэн эксэез кулӥз.]
19Мадиан музъемысен Кузё-Инмар Моисейлы шуиз: «Мын, Египетэ берытскы, тынэсьтыд лулдэ утчасьёс ваньзы кулӥзы ни». 20Моисей кышнозэ, нылпиоссэ бордаз кутӥз но, соосты ишак вылэ пуктылыса, Египет музъеме вырӟиз. Инмарлэсь бодызэ Моисей кияз кутӥз. 21Соку Кузё-Инмар Моисейлы шуиз: «Мынод но Египетэ нош ик вуид ке, учкы, Мынэсьтым сётэм вань паймымон ужъёсме тон фараон азьын возьматы; нош Мон солэсь сюлэмзэ чурыт каро но, со калыкез кошкыны уз лэзьы. 22Фараонлы тазьы шу: ”Тазьы шуэ Кузё-Инмар [еврейёслэн Инмарзы]: Израиль – со Мынам нырысь вордскем пие; 23Мон тыныд верасько: Мынэсьтым пиме кошкыны лэзь, со Мыным ужаса-тыршыса мед улоз, нош ӧд ке лэзьы, соку Мон тынэсьтыд пидэ виё, нырысь вордскем нуныдэ виё”».
24Сюрес вылысен, изьыны дугдэм интыысенызы, сое Кузё-Инмар пумитаз но виыны турттэ вал. 25Соку Сепфора из пурт кутӥз но пиезлэсь пиосмурт луон тодметэзлэсь йылзэ вандӥз, соин Моисейлэн пыд бордаз йӧтӥськыса шуиз: «Тон мынам та вир пыр герӟаськем эмеспие луиськод». 26Кузё-Инмар со дорысь кошкиз. Соку Сепфора шуиз: «Вандӥськон сямез ортчытон пыр тон мынам вир пыр эмеспие луид».
27Соку Кузё-Инмар Ааронлы шуиз: «Моисейлэн пумитаз луоё кыр дуннее мын». Со мынӥз но сое Инмарлэн гурезь дораз пумитаз, чупаз сое. 28Сое ыстэм Кузё-Инмарлэсь вань верам кылъёссэ Моисей Ааронлы вераз, Солэн возьматыны косэм вань паймымон тодметъёсыз сярысь вераз. 29Моисей Ааронэн ӵош мыныса израиль пиослэсь вань тӧрооссэс огазе люказы, 30Аарон [соослы] вераз Кузё-Инмарлэсь Моисейлы верам вань кылъёссэ; люкаськем калык азьын Моисей паймымон тодметъёс возьматъяз, 31калык солы оскиз; Кузё-Инмар израиль пиос доры вуылӥз, соослэсь курадӟемзэс адӟиз шуыса кылэм беразы соос пыдесъяськыса йыбырттӥзы.
Currently Selected:
Потон 4: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Потон 4
4
4-тӥ ЛЮКЕТ
1Ответ сётыса, Моисей шуиз: «Соос мыным ӧз оске ке, верам кылме санэ ӧз понэ ке, шуизы ке: ”Кузё-Инмар тыныд ӧз возьматскы”? [мар соослы соку шуоно?]» 2Кузё-Инмар солы шуиз: «Тынад кияд мар со?» Со шуиз: «Пудо возьман боды». 3Кузё-Инмар шуиз: «Музъем вылэ сое кушты». Сое со музъем вылэ куштӥз но, бодыез кыйлы пӧрмиз, Моисей со дорысь бызьыса кошкиз. 4Соку Моисейлы Кузё-Инмар шуиз: «Кидэ ӝутыса, быжтӥз кут сое». Со кизэ ӝутӥз но сое [быжтӥз] кутӥз; солэн кияз со нош ик боды луиз. 5«Та понна со: [тыныд] мед оскозы, соослэн атайёссылэн Инмарзы, Авраамлэн Инмарез, Исааклэн Инмарез, Иаковлэн Инмарез Кузё-Инмар тыныд возьматскиз шуыса». 6Кузё-Инмар солы шуиз на: «Кидэ пияд пон». Соку со аслэсьтыз кизэ пияз понӥз, [пиысьтыз] кизэ поттӥз но, тани, киыз гижлочерен#4:6 гижлочер – проказа шобырскиз, лымы кадь тӧдьы луиз. 7[Кузё-Инмар солы] тазьы шуиз [на]: «Кидэ нош ик пияд пон». Кизэ нош ик пияз понӥз, сое пиысьтыз поттӥз, тани, со нош ик аслаз мугорыз кадь луиз. 8«Соос тыныд ӧз ке оске, нырысь паймымон тодметэз санэ ӧз ке басьтэ, оскозы мукетызлы паймымон тодметлы; 9кыкезлы ик та паймымон тодметъёслы ӧз ке оске, тынэсьтыд верам кылдэ санэ ӧз ке понэ, соку шурысь ву омырты но музъем вылэ кисьты; соку шурысь омыртэм ву музъем вылын вирлы пӧрмоз».
10Соку Моисей Кузё-Инмарлы шуиз: «Э, Кузё-Инмаре! Мон кыллы усто адями ӧвӧл, толон но, толон валлян но мон сыӵе ик вал, ас ляльчиеныд вераськыны кутскон вакытад но сыӵе ик вал: мон секытэн, могаса вераськисько». 11Кузё-Инмар [Моисейлы] шуиз: «Адямилы кин ым сётӥз? Кин сое кылтэм, пельтэм каре, адӟись яке адӟисьтэм каре? Мон – [Инмар] Кузё-Инмар озьы уг-а кариськы? 12Озьыен, мын, вераськыкуд Мон тонэн огазьын луо, дышето, мар вераны кулэ». 13[Моисей] шуиз: «Кузё-Инмаре! Мукетсэ ысты, кинэ ыстыны быгатӥськод». 14Соку Кузё-Инмарлэн Моисей вылэ вожпотонэз ӝуатскиз но Со шуиз: «Ӧвӧл шат тынад Левий выжыысь потэм Аарон агаед? Мон тодӥсько, со [тон интые] вераськыны быгатоз шуыса, но тани, со тынад пумитад потоз но тонэ адӟем бераз солэн сюлмыз шумпотоз; 15тон солы вералод, [Мынэсьтым] верам кылъёсме солэн кылыныз-ымыныз вераны солы эрик сётод, нош Мон, тон вераськыку, тынад вӧзад луо, со вераськыку но, солэн вӧзаз луо, тӥледыз дышето, мар лэсьтыны кулэ; 16тон интые со калыклы вералоз; озьыен, со тынад кылыд-ымыд луоз, нош тон солы Инмар интыын луод; 17[кыйлы пӧрмытэм] бодыез ас кияд басьты: соин тон паймымон ужъёс лэсьтылод». 18Моисей Иофор варматаез доры берытскиз но солы со шуиз: «Мон кошко, Египетысь агай-вынъёсы доры берытско, учко, улэпесь на-а соос?» Соку Иофор Моисейлы шуиз: «Каньыллыкен мын». [Трос дыр ортчем бере Египетлэн эксэез кулӥз.]
19Мадиан музъемысен Кузё-Инмар Моисейлы шуиз: «Мын, Египетэ берытскы, тынэсьтыд лулдэ утчасьёс ваньзы кулӥзы ни». 20Моисей кышнозэ, нылпиоссэ бордаз кутӥз но, соосты ишак вылэ пуктылыса, Египет музъеме вырӟиз. Инмарлэсь бодызэ Моисей кияз кутӥз. 21Соку Кузё-Инмар Моисейлы шуиз: «Мынод но Египетэ нош ик вуид ке, учкы, Мынэсьтым сётэм вань паймымон ужъёсме тон фараон азьын возьматы; нош Мон солэсь сюлэмзэ чурыт каро но, со калыкез кошкыны уз лэзьы. 22Фараонлы тазьы шу: ”Тазьы шуэ Кузё-Инмар [еврейёслэн Инмарзы]: Израиль – со Мынам нырысь вордскем пие; 23Мон тыныд верасько: Мынэсьтым пиме кошкыны лэзь, со Мыным ужаса-тыршыса мед улоз, нош ӧд ке лэзьы, соку Мон тынэсьтыд пидэ виё, нырысь вордскем нуныдэ виё”».
24Сюрес вылысен, изьыны дугдэм интыысенызы, сое Кузё-Инмар пумитаз но виыны турттэ вал. 25Соку Сепфора из пурт кутӥз но пиезлэсь пиосмурт луон тодметэзлэсь йылзэ вандӥз, соин Моисейлэн пыд бордаз йӧтӥськыса шуиз: «Тон мынам та вир пыр герӟаськем эмеспие луиськод». 26Кузё-Инмар со дорысь кошкиз. Соку Сепфора шуиз: «Вандӥськон сямез ортчытон пыр тон мынам вир пыр эмеспие луид».
27Соку Кузё-Инмар Ааронлы шуиз: «Моисейлэн пумитаз луоё кыр дуннее мын». Со мынӥз но сое Инмарлэн гурезь дораз пумитаз, чупаз сое. 28Сое ыстэм Кузё-Инмарлэсь вань верам кылъёссэ Моисей Ааронлы вераз, Солэн возьматыны косэм вань паймымон тодметъёсыз сярысь вераз. 29Моисей Ааронэн ӵош мыныса израиль пиослэсь вань тӧрооссэс огазе люказы, 30Аарон [соослы] вераз Кузё-Инмарлэсь Моисейлы верам вань кылъёссэ; люкаськем калык азьын Моисей паймымон тодметъёс возьматъяз, 31калык солы оскиз; Кузё-Инмар израиль пиос доры вуылӥз, соослэсь курадӟемзэс адӟиз шуыса кылэм беразы соос пыдесъяськыса йыбырттӥзы.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016