Потон 2
2
2-тӥ ЛЮКЕТ
1Левий выжыысь одӥг пиосмурт мынӥз но Левий выжыысь ик нылэз аслыз кышно басьтӥз. 2Кышноез секытэн луиз, пи нуны вайиз, со туж чебер вал, сое куинь толэзь ӵоже ватыса возиз. 3Азьланяз но ватыса возьыны ӧз ни быгатэ бере, камышлэсь кутам мушкоез (корзинаез) кутӥз но сое асфальтэн, тэкитэн зыраз, со пушкы пичи нуныез понӥз но шур дурын будӥсь камыш пушкы пуктӥз. 4Нош нунылэн апаез палэнысен учкыса улӥз: мар луоз соин. 5Соку фараонлэн нылыз шур дуре мисьтӥськыны лыктӥз, нош медо нылъёсыз шур дуртӥ лёгаськыса ветлӥзы. Фараонлэн нылыз камыш пӧлысь мушкоез адӟиз но ляльчи нылзэ сое басьтыны ыстӥз. 6Усьтӥз но пичи нуныез адӟиз; но тани, [мушкоын] нуны бӧрдэ; [фараонлэн нылыз] сое жаляса шуиз: «Та еврейёслэн нунызы». 7Нунылэн апаез фараонлэн нылызлы шуиз: «Еврей кышноез тон доры вайыны мыноно ке шат, пичи нуныез тыныд нонтыса мед будэтоз?» 8Фараонлэн нылыз солы шуиз: «Мын, ветлы». Нылаш мынӥз но нунылэсь анайзэ ӧтьыса вайиз. 9Фараонлэн нылыз солы шуиз: «Кут та нуныез, мон понна нонтыса будэты сое, со понна мон тыныд дун тыро». Кышномурт нуныез басьтӥз но нонтыса улӥз. 10Нуны будӥз но, кышномурт сое фараонлэн нылыз доры вайиз, солы со пи интыын вал, солы Моисей ним сётӥз, малы ке шуоно со шуэ вал, мон, пе, сое вуысь поттӥ.
11Трос дыр ортчиз, Моисей быдэ вуэмын вал ини, со агай-вынъёсыз [израиль пиос] доры потӥз но секыт ужамзэс адӟиз; со адӟиз египет пилэсь агай-вынъёсыз [израиль пиос] пӧлысь одӥгзэ еврей пиез жугемзэ. 12Отчы, татчы учкиз, нокинэ но ӧз адӟы, кутӥз но египет пиез вииз, луо пушкы сое ватӥз. 13Мукетаз нуналэ со потыса адӟиз: кык еврей пиос куспазы керето. Вӧсь карись муртлы Моисей шуиз: «Малы тон матысь мурттэ жугиськод?» 14Нош со шуиз: «Кин тонэ милемлы кузёйыр, судья карыса пуктӥз? Уд малпаськы-а монэ виыны, кызьы [толон] египет пиез виид?» Моисей кышкатскиз, со шуиз: «Зэм но, со уж сярысь тодӥллям». 15Фараон со уж сярысь кылэм бераз Моисеез виыны утчаз, нош Моисей фараон дорысь пегӟыса вуиз, со Мадиан музъеме дугдӥз. [Мадиан музъеме вуыса,] со гудӟем дуре пуксиз. 16Мадиан священниклэн сизьым нылъёсыз вал, [соос атайзылэсь, Иофорлэсь, ыжъёссэ возьмаса улӥзы]. Соос лыктыса ву омыръязы, атайзылэсь [Иофорлэсь] ыжъёссэ люктан понна тусьёссэс вуэн тырмытӥзы. 17Пудо возьмасьёс лыктыса соосты улляса лэзизы. Соку Моисей султӥз но соослы дурбасьтӥз, [соослы ву омыръяз,] ыжъёссэс люктаз. 18Соос атайзы, Рагуил, доры вуэм бере со [соослэсь] юаз: «Малы тӥ туннэ вазь вуиды?» 19Соос шуизы: «Кыӵе ке но египет пи пудо возьмасьёслэсь милемыз утиз, ву но омыръяз, ыжъёсмес люктаз». 20Атайзы нылъёсызлы шуиз: «Кытын со али? Малы сое кельтӥды? Сиськыны ӧте сое». 21Моисейлы та адями дорын улыны кельшиз; Сепфора нылзэ Моисейлы кышнолы сётӥз. 22Со [секытэн луиз но] пи нуны вайиз, [Моисей] солы Гирсам ним сётӥз, уго со шуэ вал: «Мурт музъемын лыктэм адями мон луи». [Кышноез, секытэн луыса, кыкетӥзэ пизэ вайиз, Моисей солы Елиезер ним сётӥз, шуиз: «Атаелэн Инмарез мынам юрттӥсе, фараонлэн киулысьтыз Со монэ мозмытӥз».]
23Трос дыр ортчем бере Египетлэн эксэез кулӥз. Израиль пиос, секыт ужлы чидатэк, лулӟылӥськыса улӥзы, тэльмырыса-бӧрдыса улӥзы, секыт ужлы чидатэк, викышъям куаразы Инмар доры вуиз. 24Соослэсь лулӟылӥськемзэс Инмар кылӥз но Авраамен, Исаакен, Иаковен кылдытэм кусыпсэ Инмар тодаз вайиз. 25Инмар адӟиз израиль пиосты, Инмар соосты синйылтӥз.
Currently Selected:
Потон 2: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Потон 2
2
2-тӥ ЛЮКЕТ
1Левий выжыысь одӥг пиосмурт мынӥз но Левий выжыысь ик нылэз аслыз кышно басьтӥз. 2Кышноез секытэн луиз, пи нуны вайиз, со туж чебер вал, сое куинь толэзь ӵоже ватыса возиз. 3Азьланяз но ватыса возьыны ӧз ни быгатэ бере, камышлэсь кутам мушкоез (корзинаез) кутӥз но сое асфальтэн, тэкитэн зыраз, со пушкы пичи нуныез понӥз но шур дурын будӥсь камыш пушкы пуктӥз. 4Нош нунылэн апаез палэнысен учкыса улӥз: мар луоз соин. 5Соку фараонлэн нылыз шур дуре мисьтӥськыны лыктӥз, нош медо нылъёсыз шур дуртӥ лёгаськыса ветлӥзы. Фараонлэн нылыз камыш пӧлысь мушкоез адӟиз но ляльчи нылзэ сое басьтыны ыстӥз. 6Усьтӥз но пичи нуныез адӟиз; но тани, [мушкоын] нуны бӧрдэ; [фараонлэн нылыз] сое жаляса шуиз: «Та еврейёслэн нунызы». 7Нунылэн апаез фараонлэн нылызлы шуиз: «Еврей кышноез тон доры вайыны мыноно ке шат, пичи нуныез тыныд нонтыса мед будэтоз?» 8Фараонлэн нылыз солы шуиз: «Мын, ветлы». Нылаш мынӥз но нунылэсь анайзэ ӧтьыса вайиз. 9Фараонлэн нылыз солы шуиз: «Кут та нуныез, мон понна нонтыса будэты сое, со понна мон тыныд дун тыро». Кышномурт нуныез басьтӥз но нонтыса улӥз. 10Нуны будӥз но, кышномурт сое фараонлэн нылыз доры вайиз, солы со пи интыын вал, солы Моисей ним сётӥз, малы ке шуоно со шуэ вал, мон, пе, сое вуысь поттӥ.
11Трос дыр ортчиз, Моисей быдэ вуэмын вал ини, со агай-вынъёсыз [израиль пиос] доры потӥз но секыт ужамзэс адӟиз; со адӟиз египет пилэсь агай-вынъёсыз [израиль пиос] пӧлысь одӥгзэ еврей пиез жугемзэ. 12Отчы, татчы учкиз, нокинэ но ӧз адӟы, кутӥз но египет пиез вииз, луо пушкы сое ватӥз. 13Мукетаз нуналэ со потыса адӟиз: кык еврей пиос куспазы керето. Вӧсь карись муртлы Моисей шуиз: «Малы тон матысь мурттэ жугиськод?» 14Нош со шуиз: «Кин тонэ милемлы кузёйыр, судья карыса пуктӥз? Уд малпаськы-а монэ виыны, кызьы [толон] египет пиез виид?» Моисей кышкатскиз, со шуиз: «Зэм но, со уж сярысь тодӥллям». 15Фараон со уж сярысь кылэм бераз Моисеез виыны утчаз, нош Моисей фараон дорысь пегӟыса вуиз, со Мадиан музъеме дугдӥз. [Мадиан музъеме вуыса,] со гудӟем дуре пуксиз. 16Мадиан священниклэн сизьым нылъёсыз вал, [соос атайзылэсь, Иофорлэсь, ыжъёссэ возьмаса улӥзы]. Соос лыктыса ву омыръязы, атайзылэсь [Иофорлэсь] ыжъёссэ люктан понна тусьёссэс вуэн тырмытӥзы. 17Пудо возьмасьёс лыктыса соосты улляса лэзизы. Соку Моисей султӥз но соослы дурбасьтӥз, [соослы ву омыръяз,] ыжъёссэс люктаз. 18Соос атайзы, Рагуил, доры вуэм бере со [соослэсь] юаз: «Малы тӥ туннэ вазь вуиды?» 19Соос шуизы: «Кыӵе ке но египет пи пудо возьмасьёслэсь милемыз утиз, ву но омыръяз, ыжъёсмес люктаз». 20Атайзы нылъёсызлы шуиз: «Кытын со али? Малы сое кельтӥды? Сиськыны ӧте сое». 21Моисейлы та адями дорын улыны кельшиз; Сепфора нылзэ Моисейлы кышнолы сётӥз. 22Со [секытэн луиз но] пи нуны вайиз, [Моисей] солы Гирсам ним сётӥз, уго со шуэ вал: «Мурт музъемын лыктэм адями мон луи». [Кышноез, секытэн луыса, кыкетӥзэ пизэ вайиз, Моисей солы Елиезер ним сётӥз, шуиз: «Атаелэн Инмарез мынам юрттӥсе, фараонлэн киулысьтыз Со монэ мозмытӥз».]
23Трос дыр ортчем бере Египетлэн эксэез кулӥз. Израиль пиос, секыт ужлы чидатэк, лулӟылӥськыса улӥзы, тэльмырыса-бӧрдыса улӥзы, секыт ужлы чидатэк, викышъям куаразы Инмар доры вуиз. 24Соослэсь лулӟылӥськемзэс Инмар кылӥз но Авраамен, Исаакен, Иаковен кылдытэм кусыпсэ Инмар тодаз вайиз. 25Инмар адӟиз израиль пиосты, Инмар соосты синйылтӥз.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016