Потон 12
12
12-тӥ ЛЮКЕТ
1Кузё-Инмар Египет музъемысен Моисеен Ааронлы шуиз: 2«Таиз толэзь тӥледлы толэзьёслэн кутсконзы мед луоз, арысь толэзьёс пӧлысь со тӥ понна нырысетӥез толэзь мед луоз. 3Быдэс израиль калыклы вералэ: ”Та толэзьлэн дасэтӥ нуналаз котькуд семья ыжпи мед басьтоз, семьялы быдэ – ыжпи; 4нош семья сокем пичи ке, – ыжпиез сиыса уз быдты, соку артэ коркасьтыз бускеленыз ӵош мед басьтозы, отын улӥсьёслэсь лыдзэс ӵотэ поныса, котькуд адямилэсь кӧня сиыны быгатэмзэ лыдэ басьтыса, сиськись калыклэн лыдызъя ыжпиез люкылоно. 5Ыжпиды шектэм-таза луыны кулэ, мес медаз лу, одӥг аресъем така мед луоз; ыжъёс пӧлысь яке кечъёс пӧлысь сое поттэ но 6толэзьлэн дас ньылетӥ нуналозяз ас дорады возе; собере быдэс израиль калык, огазе люкаськыса, ӝыт сое мед вандоз. 7Вирзэ мед кутозы но ыжпи сӥль сиён коркаоссылэсь кыксэ ик ӧс янакъёссэ вирен мед зырӟозы, ӧс янаклэсь вылысь корзэ но. 8Тыл вылын сӥлез пыжыса, со уе ик сиыса мед быдтозы; чырсатымтэ нянен, курыт турынъёсын куртчыса, сое мед сиёзы; 9ыль кельтыса, вуын пӧзьтыса эн сие, йырыныз, пыдъёсыныз, ты-мусъёсыныз валче, тыл вылын пыжыса, сое сие. 10Сиытэк кылемзэ ӵукнаозьлы эн кельтэ, [лыоссэ эн пыргытэ,] вань кылем люкетъёссэ ӵукнаозь тыл вылын сутэ. 11Тазьы сие: кусъёсты думемын мед луозы, пыдъёсты кутчамын мед луозы, бодыостэс кияды кутыса возе, дыртыса сое сие: та – Кузё-Инмарлэн Пасхаез. 12Нош Мон со уе Египет музъем пыр пото но Египет музъемысь нырысь вордскем пиосты ваньзэс погырто: адямиос пӧлысь но, пудоос пӧлысь но; египет калыклэн вань инмаръёсызлы суд лэсьто. Мон – Кузё-Инмар. 13Тӥляд улоно коркаосты бордын вир тодмет луоз: вирез адӟи ке, тӥляд вӧзтӥды кошко, Египет музъемез вӧсь карыса погыртыкум, тӥ пӧлын кулон вайись вӧсь карон уз луы. 14Та нунал тӥ понна сӥё-дано мед луоз, Кузё-Инмарлэн та праздникез шуыса, сое пусъе выжыысь выжыосы; пумтэм вапумъёслы сётэм та пуктон-косон луэ шуыса, та праздникез ортчытылэ. 15Сизьым нунал юмал нянь сие; нырысь нуналаз ик коркаосады кыӵе ке но чырсатэм сиёнъёсты вань ке, ваньзэ быдтэ, малы ке шуоно кин ке нырысь нуналысен сизьыметӥ нуналозь чырсатэм сиён сииз ке, та адями лул израиль калык пӧлысь быдтэмын луоз. 16Нырысетӥ нуналаз тӥ вӧсяськонэ люкаське, сизьыметӥ нуналэ но вӧсяськонэ люкаське: со нуналъёсы нокыӵе но мукет ужъёс тӥ лэсьтыны кулэ ӧвӧл, асьтэлы сиён дасян сяна. 17Юмал Нянь Сиён праздникез уте, уго та нуналэ ик Мон ожгарчиосты радэн-радэн султытыса поттэм кадь тӥледыз Египет музъемысь поттӥ; пумтэм вапумъёслы сётэм та пуктон-косон луэ шуыса, та нуналэз выжыысь выжыосы уте. 18Нырысетӥ толэзьлэн дас ньылетӥ нуналысеныз ӝытазеысен кутскыса со толэзьлэн ик кызь одӥгетӥ нуналэзлэн ӝытазеозяз юмал нянь сие; 19сизьым нунал ӵоже коркаосады чырсатэм шӧмды медаз луы, уго кин чырсатэм сиён сииз, со адями лул израиль калык пӧлысь быдтэмын луоз, лыктэм мурт-а со яке та музъемын пырак ӵоже улӥсь-а со. 20Нокыӵе но чырсатэм сиён эн сие: вань улон интыосады юмал нянь сие”».
21Израиль [пиослэсь] вань тӧрооссэс Моисей дораз люказ но соослы шуиз: «Котькудӥз семья аслыз ыжпи мед басьтоз но, Пасхалы дасяса, мед вандоз; 22одӥг кырым иссоп турын кутэ но сое сосудысь вир пӧлы веттэ, сосудысь вирен ӧс янаклэсь вылысь корзэ, кыксэ ик ӧс янакъёсты зырӟе, нош тӥ одӥгды но ӵукнаозь коркасьтыды ӧс сьӧры эн потэ. 23Соку Кузё-Инмар Египетэз погыръяны потоз, ӧс йылысь, кык палысьтыз ик ӧс янак вылысь вирез адӟоз но Кузё-Инмар ӧс вӧзтӥ кошкоз, кулон вайисез корка пушкады тӥледыз виыны пырыны уз лэзьы. 24Та закон тӥледлы асьтэлы но, нылпиостылы но пумтэм вапумъёслы сётэмын луэ шуыса, сое уте. 25Кузё-Инмарлэн тӥледлы сётоно музъемаз пыриды ке, кызьы Со азьвыл ик вераз вал, отын но та сямез-йылолэз быдэсъялэ. 26Тӥляд нылпиосты тӥлесьтыд юазы ке: ”Кыӵе, мар сямез-йылолэз тӥ быдэсъяськоды?” 27[Соослы] шуэ: ”Та Кузё-Инмарлы сӥзем Пасха курбон, Со уго египет калыкез погыръян-виылон дыръяз Египетын улӥсь израиль пиослэн корка вӧзтӥзы кошкиз, семьяосмес быдэс кельтӥз”». Соку калык пыдесъяськыса йыбырттӥз. 28Собере израиль пиос мынӥзы но лэсьтӥзы озьы, кызьы Кузё-Инмар Моисеен Ааронэз лэсьтыны косӥз.
29Уйшоре Кузё-Инмар Египет музъемысь ваньзэс нырысь вордскем пиосты вииз, – эксэй пуконаз пукись фараонлэн нырысь вордскем пиез бордысен кутскыса пытсэтын пукись муртлэн нырысь вордскем пиез дорозь, пудоослэсь нырысь вордскем пиоссэс но ваньзэ вииз. 30Уйин фараон, солэн вань ляльчиосыз, вань египет калык султӥзы, соку [быдэс] Египет музъемын туж кужмо викышъян-бӧрдон кылӥськыны кутскиз, кулэм мурттэк одӥг корка ӧз кыльы уго. 31Соку фараон Моисеен Ааронэз уйин ик ӧтьытӥз но соослы шуиз: «Султэ, мынам калыке пӧлысь кошке асьтэос но, вань израиль пиос но, мынэ но [Инмардылы] Кузё-Инмарлы сӥзем вӧсяськон ортчытэ, кызьы тӥ азьвыл вераськоды вал; 32ыжъёстэс-кечъёстэс, скалъёстэс-ошъёстэс кутэ, кызьы вазен вераськоды вал, мынэ, мыным но бакель карон куре». 33Египет калык израиль пиосты дыртытӥз, соослэн музъем вылысьтызы ӝоггес мед кошкозы шуыса, уго соос малпало вал: соос ӧз ке кошке, ваньмы асьмеос быромы.
34Калык котэм няньзэ сьӧраз нуоно луиз, со чырсаса но ӧз вуы; нянь шумессэс дӥськутэн шобыръязы но пельпум вылазы ӝутыса нуизы. 35Израиль пиос Моисейлэн верам кылызъя лэсьтӥзы вал: египет калыклэсь азвесь арбериоссэ, зарни арбериоссэ, дӥськутсэ куризы. 36Египет калыклэн син азяз Кузё-Инмар возьматӥз [Ас] калыксэ гажам-жалямзэ: израиль пиос мар куризы, египет калык ваньзэ сётӥз, египет калыклэсь узырлыксэ сьӧразы нуизы. 37Израиль пиос Раамсесысь Сокхофе кошкизы; нылпиосты лыдъятэк пӧлазы ог куать сю сюрс пыдын мынӥсь пиосмуртъёс вал; 38пӧртэм выжыосысь адямиос но трос кузя соосын ӵош потӥзы, туж трос ыжъёс, кечъёс, ишакъёс, скалъёс, ошъёс соосын ӵош мынӥзы. 39Египетысь поттэм юмал ыльняньзэс уднянь пыжизы, со чырсаса вуытэк ик, уго соосты Египетысь улляса лэзизы, соос ӝегаса улыны ӧз ни быгатэ, сюрес вылэ потыны сиён дасяса но ӧз вуэ.
40Израиль пиос, [соослэн атайёссы] Египет музъемын [Ханаан музъемын улэмзэс но лыдъяса] ньыль сю куамын ар улӥзы. 41Ньыль сю куамын ар ортчыса, самой со нуналэ ик Кузё-Инмарлэн вань ожгарчиосыз уйин Египет музъемысь потӥзы. 42Та – Египет музъемысь поттэмез понна Кузё-Инмарез данъяса, изьытэк потон уй; та уй – вань израиль пиослэн выжыысь выжые Кузё-Инмарлы сӥзьыса, сак улыса ортчытоно уйзы.
43Соку Кузё-Инмар Моисеен Ааронлы шуиз: «Тани Пасхалэн пуктон-косонэз: мурт выжыысь одӥг муртлы но сое сиыны уг яра; 44нош азвесь тырыса басьтэм ляльчи, солы вандӥськон сямез ортчытӥды ке, со сое сиыны быгатэ; 45мукет азьысь улыны лыктэм муртлы, медъяськыса ужась муртлы Пасхаез сиыны уг яра. 46Одӥг корка пушкын сое сиёно, [ӵукнаозьлы номырзэ но эн кельтэ,] сӥлез коркась эн потталэ, лыоссэ эн пыргытэ. 47Израильысь вань калык, одӥгез но кыльытэк, Пасхаез ортчытыны кулэ. 48Сьӧрлось вуэм мурт тон доры улыны пыриз ке, Кузё-Инмарлы сӥзем Пасхаез ортчытэмез потӥз ке, соку солэн семьяысьтыз вань пиосмуртъёсызлы вандӥськон сямез ортчытэ, соку со Пасхаез ортчытыны быгатоз, соку со та музъемын вордскем-улӥсь адямиосын оградын луоз; нош кинлы вандӥськон сям ортчытымтэ, соос одӥгзы но Пасхаез сиыны кулэ ӧвӧл; 49закон одӥг мед луоз та музъемын пырак ӵоже улӥсь понна но, сьӧрлось лыктыса тӥ пӧлы улыны интыяськем мурт понна но».
50Вань израиль пиос лэсьтӥзы озьы, кызьы Кузё-Инмар Моисеен Аарон пыр косон сётӥз. 51Самой со нуналэ Кузё-Инмар ожгарчиосты музэн израиль пиосты Египет музъемысь поттӥз.
Currently Selected:
Потон 12: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Потон 12
12
12-тӥ ЛЮКЕТ
1Кузё-Инмар Египет музъемысен Моисеен Ааронлы шуиз: 2«Таиз толэзь тӥледлы толэзьёслэн кутсконзы мед луоз, арысь толэзьёс пӧлысь со тӥ понна нырысетӥез толэзь мед луоз. 3Быдэс израиль калыклы вералэ: ”Та толэзьлэн дасэтӥ нуналаз котькуд семья ыжпи мед басьтоз, семьялы быдэ – ыжпи; 4нош семья сокем пичи ке, – ыжпиез сиыса уз быдты, соку артэ коркасьтыз бускеленыз ӵош мед басьтозы, отын улӥсьёслэсь лыдзэс ӵотэ поныса, котькуд адямилэсь кӧня сиыны быгатэмзэ лыдэ басьтыса, сиськись калыклэн лыдызъя ыжпиез люкылоно. 5Ыжпиды шектэм-таза луыны кулэ, мес медаз лу, одӥг аресъем така мед луоз; ыжъёс пӧлысь яке кечъёс пӧлысь сое поттэ но 6толэзьлэн дас ньылетӥ нуналозяз ас дорады возе; собере быдэс израиль калык, огазе люкаськыса, ӝыт сое мед вандоз. 7Вирзэ мед кутозы но ыжпи сӥль сиён коркаоссылэсь кыксэ ик ӧс янакъёссэ вирен мед зырӟозы, ӧс янаклэсь вылысь корзэ но. 8Тыл вылын сӥлез пыжыса, со уе ик сиыса мед быдтозы; чырсатымтэ нянен, курыт турынъёсын куртчыса, сое мед сиёзы; 9ыль кельтыса, вуын пӧзьтыса эн сие, йырыныз, пыдъёсыныз, ты-мусъёсыныз валче, тыл вылын пыжыса, сое сие. 10Сиытэк кылемзэ ӵукнаозьлы эн кельтэ, [лыоссэ эн пыргытэ,] вань кылем люкетъёссэ ӵукнаозь тыл вылын сутэ. 11Тазьы сие: кусъёсты думемын мед луозы, пыдъёсты кутчамын мед луозы, бодыостэс кияды кутыса возе, дыртыса сое сие: та – Кузё-Инмарлэн Пасхаез. 12Нош Мон со уе Египет музъем пыр пото но Египет музъемысь нырысь вордскем пиосты ваньзэс погырто: адямиос пӧлысь но, пудоос пӧлысь но; египет калыклэн вань инмаръёсызлы суд лэсьто. Мон – Кузё-Инмар. 13Тӥляд улоно коркаосты бордын вир тодмет луоз: вирез адӟи ке, тӥляд вӧзтӥды кошко, Египет музъемез вӧсь карыса погыртыкум, тӥ пӧлын кулон вайись вӧсь карон уз луы. 14Та нунал тӥ понна сӥё-дано мед луоз, Кузё-Инмарлэн та праздникез шуыса, сое пусъе выжыысь выжыосы; пумтэм вапумъёслы сётэм та пуктон-косон луэ шуыса, та праздникез ортчытылэ. 15Сизьым нунал юмал нянь сие; нырысь нуналаз ик коркаосады кыӵе ке но чырсатэм сиёнъёсты вань ке, ваньзэ быдтэ, малы ке шуоно кин ке нырысь нуналысен сизьыметӥ нуналозь чырсатэм сиён сииз ке, та адями лул израиль калык пӧлысь быдтэмын луоз. 16Нырысетӥ нуналаз тӥ вӧсяськонэ люкаське, сизьыметӥ нуналэ но вӧсяськонэ люкаське: со нуналъёсы нокыӵе но мукет ужъёс тӥ лэсьтыны кулэ ӧвӧл, асьтэлы сиён дасян сяна. 17Юмал Нянь Сиён праздникез уте, уго та нуналэ ик Мон ожгарчиосты радэн-радэн султытыса поттэм кадь тӥледыз Египет музъемысь поттӥ; пумтэм вапумъёслы сётэм та пуктон-косон луэ шуыса, та нуналэз выжыысь выжыосы уте. 18Нырысетӥ толэзьлэн дас ньылетӥ нуналысеныз ӝытазеысен кутскыса со толэзьлэн ик кызь одӥгетӥ нуналэзлэн ӝытазеозяз юмал нянь сие; 19сизьым нунал ӵоже коркаосады чырсатэм шӧмды медаз луы, уго кин чырсатэм сиён сииз, со адями лул израиль калык пӧлысь быдтэмын луоз, лыктэм мурт-а со яке та музъемын пырак ӵоже улӥсь-а со. 20Нокыӵе но чырсатэм сиён эн сие: вань улон интыосады юмал нянь сие”».
21Израиль [пиослэсь] вань тӧрооссэс Моисей дораз люказ но соослы шуиз: «Котькудӥз семья аслыз ыжпи мед басьтоз но, Пасхалы дасяса, мед вандоз; 22одӥг кырым иссоп турын кутэ но сое сосудысь вир пӧлы веттэ, сосудысь вирен ӧс янаклэсь вылысь корзэ, кыксэ ик ӧс янакъёсты зырӟе, нош тӥ одӥгды но ӵукнаозь коркасьтыды ӧс сьӧры эн потэ. 23Соку Кузё-Инмар Египетэз погыръяны потоз, ӧс йылысь, кык палысьтыз ик ӧс янак вылысь вирез адӟоз но Кузё-Инмар ӧс вӧзтӥ кошкоз, кулон вайисез корка пушкады тӥледыз виыны пырыны уз лэзьы. 24Та закон тӥледлы асьтэлы но, нылпиостылы но пумтэм вапумъёслы сётэмын луэ шуыса, сое уте. 25Кузё-Инмарлэн тӥледлы сётоно музъемаз пыриды ке, кызьы Со азьвыл ик вераз вал, отын но та сямез-йылолэз быдэсъялэ. 26Тӥляд нылпиосты тӥлесьтыд юазы ке: ”Кыӵе, мар сямез-йылолэз тӥ быдэсъяськоды?” 27[Соослы] шуэ: ”Та Кузё-Инмарлы сӥзем Пасха курбон, Со уго египет калыкез погыръян-виылон дыръяз Египетын улӥсь израиль пиослэн корка вӧзтӥзы кошкиз, семьяосмес быдэс кельтӥз”». Соку калык пыдесъяськыса йыбырттӥз. 28Собере израиль пиос мынӥзы но лэсьтӥзы озьы, кызьы Кузё-Инмар Моисеен Ааронэз лэсьтыны косӥз.
29Уйшоре Кузё-Инмар Египет музъемысь ваньзэс нырысь вордскем пиосты вииз, – эксэй пуконаз пукись фараонлэн нырысь вордскем пиез бордысен кутскыса пытсэтын пукись муртлэн нырысь вордскем пиез дорозь, пудоослэсь нырысь вордскем пиоссэс но ваньзэ вииз. 30Уйин фараон, солэн вань ляльчиосыз, вань египет калык султӥзы, соку [быдэс] Египет музъемын туж кужмо викышъян-бӧрдон кылӥськыны кутскиз, кулэм мурттэк одӥг корка ӧз кыльы уго. 31Соку фараон Моисеен Ааронэз уйин ик ӧтьытӥз но соослы шуиз: «Султэ, мынам калыке пӧлысь кошке асьтэос но, вань израиль пиос но, мынэ но [Инмардылы] Кузё-Инмарлы сӥзем вӧсяськон ортчытэ, кызьы тӥ азьвыл вераськоды вал; 32ыжъёстэс-кечъёстэс, скалъёстэс-ошъёстэс кутэ, кызьы вазен вераськоды вал, мынэ, мыным но бакель карон куре». 33Египет калык израиль пиосты дыртытӥз, соослэн музъем вылысьтызы ӝоггес мед кошкозы шуыса, уго соос малпало вал: соос ӧз ке кошке, ваньмы асьмеос быромы.
34Калык котэм няньзэ сьӧраз нуоно луиз, со чырсаса но ӧз вуы; нянь шумессэс дӥськутэн шобыръязы но пельпум вылазы ӝутыса нуизы. 35Израиль пиос Моисейлэн верам кылызъя лэсьтӥзы вал: египет калыклэсь азвесь арбериоссэ, зарни арбериоссэ, дӥськутсэ куризы. 36Египет калыклэн син азяз Кузё-Инмар возьматӥз [Ас] калыксэ гажам-жалямзэ: израиль пиос мар куризы, египет калык ваньзэ сётӥз, египет калыклэсь узырлыксэ сьӧразы нуизы. 37Израиль пиос Раамсесысь Сокхофе кошкизы; нылпиосты лыдъятэк пӧлазы ог куать сю сюрс пыдын мынӥсь пиосмуртъёс вал; 38пӧртэм выжыосысь адямиос но трос кузя соосын ӵош потӥзы, туж трос ыжъёс, кечъёс, ишакъёс, скалъёс, ошъёс соосын ӵош мынӥзы. 39Египетысь поттэм юмал ыльняньзэс уднянь пыжизы, со чырсаса вуытэк ик, уго соосты Египетысь улляса лэзизы, соос ӝегаса улыны ӧз ни быгатэ, сюрес вылэ потыны сиён дасяса но ӧз вуэ.
40Израиль пиос, [соослэн атайёссы] Египет музъемын [Ханаан музъемын улэмзэс но лыдъяса] ньыль сю куамын ар улӥзы. 41Ньыль сю куамын ар ортчыса, самой со нуналэ ик Кузё-Инмарлэн вань ожгарчиосыз уйин Египет музъемысь потӥзы. 42Та – Египет музъемысь поттэмез понна Кузё-Инмарез данъяса, изьытэк потон уй; та уй – вань израиль пиослэн выжыысь выжые Кузё-Инмарлы сӥзьыса, сак улыса ортчытоно уйзы.
43Соку Кузё-Инмар Моисеен Ааронлы шуиз: «Тани Пасхалэн пуктон-косонэз: мурт выжыысь одӥг муртлы но сое сиыны уг яра; 44нош азвесь тырыса басьтэм ляльчи, солы вандӥськон сямез ортчытӥды ке, со сое сиыны быгатэ; 45мукет азьысь улыны лыктэм муртлы, медъяськыса ужась муртлы Пасхаез сиыны уг яра. 46Одӥг корка пушкын сое сиёно, [ӵукнаозьлы номырзэ но эн кельтэ,] сӥлез коркась эн потталэ, лыоссэ эн пыргытэ. 47Израильысь вань калык, одӥгез но кыльытэк, Пасхаез ортчытыны кулэ. 48Сьӧрлось вуэм мурт тон доры улыны пыриз ке, Кузё-Инмарлы сӥзем Пасхаез ортчытэмез потӥз ке, соку солэн семьяысьтыз вань пиосмуртъёсызлы вандӥськон сямез ортчытэ, соку со Пасхаез ортчытыны быгатоз, соку со та музъемын вордскем-улӥсь адямиосын оградын луоз; нош кинлы вандӥськон сям ортчытымтэ, соос одӥгзы но Пасхаез сиыны кулэ ӧвӧл; 49закон одӥг мед луоз та музъемын пырак ӵоже улӥсь понна но, сьӧрлось лыктыса тӥ пӧлы улыны интыяськем мурт понна но».
50Вань израиль пиос лэсьтӥзы озьы, кызьы Кузё-Инмар Моисеен Аарон пыр косон сётӥз. 51Самой со нуналэ Кузё-Инмар ожгарчиосты музэн израиль пиосты Египет музъемысь поттӥз.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016