Zacarías 3
3
Josuépa röpanta trukapaqta revelacioncho rikashqan
1Tsaypita Tayta Dios rikatsimarqan mandaq cüra Josuéta.#Esd. 5.2. Payqa ichiraykarqan Tayta Diospa angilninpa nawpanchömi. Josuépa alawqa kaq nawpanchömi Satanás kaykarqan payta acusashpan.#1Crón. 21.1; Job 1.6; Apoc. 12.10. 2Acusaptinmi Tayta Diospa angilnin kayno nirqan: <<¡Tayta Diosmi upälakunaykipaq nishunki, Satanás!#1Juan 2.1; Jud. 9. ¡Jerusalénta akraq Tayta Diosmi upälakunaykipaq nishunki! Kay runaqa ¿manaku kaykan rataykaq ninapita jorqushqa shanshaykaq carbonno?>>
3Josuéqa pasaypa qanra röpan jatishqami angilpa nawpancho ichiraykarqan. 4Tsawraqa yanapaqninkunata ángel kayno nirqan: <<Jatiraykashqan qanra röpata loqtipay>>.#3.4 Kay textucho qanra röpanqa jutsankunami kaykan. Loqtipashqanqa perdonashqanmi kaykan.
Nirkurnami Josuéta kayno nirqan: <<Lapan jutsa rurashqaykikunatami perdonashqä. Kananqa kuyaylapaq röpata jatipäshunaykipaqmi nishaq>>.#Apoc. 19.8.
5Tsaypitana yanapaqninkunata kayno nirqan: <<Mandaq cüra jatikunan limpiu görrata Josuéta jatipay>>.
Tsaymi taqshashqa görrata jatiparqan. Nirkurnami kuyaylapaq röpatapis jatiparqan. Tsayno jatipaptinmi Tayta Diospa angilnin nawpancho ichiraykarqan.
6Jatiparkuptinnami Josuéta Tayta Diospa angilnin kayno nirqan: 7<<Lapanta mandaq Tayta Dios kaynömi nin: <Lapan nishqäkunata cäsukuptikiqa templüta y patiunta täpanaykipaqmi churashayki. Tsaynölami churashayki sirvimaq angilnïkunano kanaykipaq.
8<< <Mandaq cüra Josué, qampis y cüra mayikikunapis shumaq mayapäkamay. Qamkunaqa señalnömi karkaykanki.#3.8 Qamkunaqa señalnömi karkaykanki ninanqa qamkuna cüra kar sirvimaptikimi runakuna tantiyapäkunqa yanapaykashqäta ninanmi. Tsaymi sirviykämaptiki Renuevo nishqan sirvimaqnï runata#Jer. 23.5-6; 33.15-16; Zac. 6.12. kachamushaq.
9<< <Nawpaykiman churashqä rumita rikay. Tsay rumiqa qanchis nawiyuqmi kaykan. Tsay rumimanqa kikïmi qelqashaq. Tsaymi juk junaqlacho runakunapa jutsankunata perdonashaq. Noqa lapanta mandaq Tayta Diosmi tsayno nï. 10Tsay junaqmi cada ünuyki üva yöra sikincho y hïgus yöra sikincho vecïnuykikunawan kushishqa jamakärinkipaq.#Miq. 4.4. Noqa lapanta mandaq Tayta Diosmi tsayno nï> >>.
Currently Selected:
Zacarías 3: qvmB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.