Popular Bible Verses from Juan 2

Share

Jesusca Galileapi caj Caná pueblopimi, chashna señalta rurai callarishpa, Pai tucuita rurai tucushcata ricuchirca. Chaimantami Paipaj yachacujcunaca crircacuna.

Shina nijpi Jesusca: —¿Ñucaca imatataj rurashapish, mama? ¿Manarajmari ñuca imata rurana horas chayamushcachu?— nircami.

Jesús chai servijcunata: —Cai pʼunducunapi yacuta jundachichij— nijpica, jicharijtami jundachircacuna. Jundachijpi Jesusca: —Cunanca ashata huishishpa, alhuajanupajman apashpa richij— nijpica aparcacunami.

Shina nijpi, Jesusca: —Diospaj huasitaca urmachichijlla. Quimsa punllapica cutin shayachishallami— nircami.

Chaimantami Jesusca, Diospaj huasi ucupi cajcunataca, huascata patarishpa, tucuicunata ovejacunandij, huagracunandij azotishpa llujshichishpa cacharca. Cambiajcunapaj cullquicunatapish tsirapashpa, meźacunatapish tigrachishpami shitarca. Palomacunata cʼatujcunataca, Jesusca: —¡Caicunata caimanta anchuchichij! ¡Ñuca Yayapaj huasitaca, cʼatuna randina ucutaca ama ruraichijchu!— nircami.