პოპულარული ბიბლიური მუხლები Romaq 10-დან

გაზიარება

Haû mù, “Yesuq gi, Yhûmsîng nghut ri.” nghû náng é nhut èq yín yû mù, Garai Gasang gi, Yhang lé, shi é mai dui toq nhâng bê nghut lhê nghû, náng é myìt nhiklhum má lùmjíng é nghut jáng, nàng gi, hkyi yu é hui râ nghut lhê.

Hkâsu mù gâ le, byù gi, myìt nhiklhum má lùmjíng jáng, mara hkyut san byî é hui mù, nhut mai yín yû jáng, hkyi yù huî é nghut lhê.

Haû nghut mù luî, lùmjíng myìt gi, danglù lé wó gyô é mai lò mù, danglù gyô yu é gi, Hkrisidùq é mungdang mai lo é nghut lhê.

Haû Chyúmdang taî é gi, “Yhang lé lùmhkau é sû ó yùq le, hkâ-nhám lháng hoq hpû é hui râ a nghut.” gâ ri. Hkâsu mù gâ le, Yudaq byù eq tûngbaù pê é gyoro má gam hkoq é hkyô haî le a jòq é za, haû Yhûmsîng gi, bànshoq bâng é Yhûmsîng nghut lhê mù, Yhang lé wùt dung bang lhúnglháng lé, agùn agó shimân byî ri. Hkâsu mù gâ le, “Haû Yhûmsing é myìng lé lâng é bang yùq hkangmó gi, hkyi yu é hui râ nghut lhê.” gâ tô ri.

Nhang kat é a huî le gi, yhángmòq hkâsu kut wó hko kyo kôrâ lhú? Haû eq rajung za, “Gabú danglù pé hko kyo bâng é hkyî-kám pé gi, hkâ-í yhang yúng ri myhî-nhung!” ga kâ tô ri.

Haû nghut lé gi, yhángmòq a lùmjíng é sû lé nhîng, hkâsu wó wùt dung kôrâ lhú? Yhángmòq a wó gyô wú é sû lé nhîng, hkâsu wó lùmjíng kôrâ lhú? Hko kyô é sû a nyi le nhîng, hkâsu wó gyo kôrâ lhú?

Hkrisidùq gi, lùmjíng bang yùq hkangmó, díngmán é má wó jé kó sháng gàq ga, jep é târâ ló htum jang dùt bê nghut ri.