პოპულარული ბიბლიური მუხლები Yohan 1-დან

გაზიარება

Nghut kôlhang, Yhang gi, Yhang lé lhom hàp yù luî, Yhâng é myìng lé lùmjíng é bang lhúnglháng lé, Garai Gasâng é yhang zô pé dùt râ ahkáng byi bê nghut ri.

A-nham sânghi má, Mungdang jòq ri; Mungdang haû gi, Garai Gasang eq rahá nghut luî, haû Mungdang yhang Garai Gasang nghut ri.

Haû maubó gi, mauchut má dùq bó byî nyì kôlhang, mauchut gi, haû lé a hàp yù nghut ri.

Haû Mungdang gi, xângzo byù gùng lé dùt luî, ngá-mòq chyáng nyi wú bê nghut lhê. Ngá-mòq gi, haû jeju eq tengmán hkyô byíng tô é, Yhâng é hpungwup shingkang lé myang wú bê nghut lhê; haû gi, haû Îwâ é zote rayùq dông, Yhang wó yu é hpungwup shingkang nghut ri.

Nyì mî-nyì, jòq mîjòq gi, Yhang dông mai hpan tô é chyat nghut lhê; Yhang dông mai a hpan é gi, haî lháng a jòq nghut ri. Chyungxe gi, Yhang má nghut lhê mù, chyungxe haû gi, byu pê é matú maubó nghut ri.

Hau htang nyí, Yohan gi, yhâng chyáng Yesuq lé lo nyi é lé myàng luî, taî é gi, “Mingkan byu pê é yubàk mara lé yu pyám byî é Garai Gasâng é Sau zo lé, wú keq!

Yhang gi, mingkan htoq má nyi to bê nghut ri; mingkan lé gi, Yhang dông mai hpan tô é nghut kôlhang, mingkan haû gi, Yhang lé a wú sé nghut ri. Yhang gi, yhûmsîng mau má jé lé kôlhang, Yhâng é a-myû pé gi, Yhang lé a lhom hàp yù kó nghut ri.

Byù yùq jùp lé dùq bó byî é, maubó a-kyîng haû gi, mingkan htoq má jé nyi to bê.

Hkâsu mù gâ lé, haû jep é târâ gi, Mosheq é lòq dông mai byî é nghut lhê; jeju eq tengmán hkyô kúm gi, Yesuq Hkrisidùq é yánmai lé jòq é nghut lhê.