პოპულარული ბიბლიური მუხლები San Mateo 10-დან

Rahbi za Ñiꞌh: ―¡Gulguiaꞌhaloh! Naꞌh guixeꞌhlaꞌhn laꞌh tu ziga zi lliꞌhyi raꞌ loh raꞌ bwiinn raꞌ nin naa raꞌ ziga zi bweew; pwihsi gulgahca nasiin ziga zi bweꞌlda per nee gulgahca za nadoꞌlaaꞌdzi ziga palohmwiꞌhn raꞌ

Ya bwiinn nin rdxiꞌhyi si xa taꞌh xquelnabahan ba zuñihchi ban, per bwiinn nin guñihchi xquelnabahan ñiꞌh pur naꞌh zadxeela ban.

Ayi guidxyihbi tu laꞌh raꞌ bwiinn nin chiinn laꞌh bweꞌltihxi tu, laasii laꞌh xaalma tu ayi gaca chiinn raꞌ ban, niꞌchin mas chaꞌyi gulguidxyihbi laꞌh Dxiohs laasii laꞌh Ñiꞌh zahca chiinntiiꞌ Ñiꞌh laꞌh tu nee cun zahca za cuꞌnehza Ñiꞌh laꞌh tu gabihldxyi par tuꞌpazi.

ya bwiinn raꞌ nin ayi guꞌa xcruhzi ñiꞌh tin dxieꞌnaꞌhla ba naꞌh bwiinn chi ayi naa ba tuhbi xpwiiꞌnnahn.

Rahbi za Ñiꞌh: ―Ya cuun chiꞌh zi raꞌ bwiinn nin guzeꞌta xcweeꞌntahn loh raꞌ bwiinn, ziꞌchi za naꞌh ziñiꞌn xcweenta bwiinn chi loh Xtaaꞌdahn nin nuu dxibaaꞌ, per bwiinn raꞌ nin guiñiꞌ ayi naa raꞌ ba xpwiiꞌnn raꞌn, ziꞌchi za naꞌh ziñiꞌn loh Xtaaꞌdahn nin nuu dxibaaꞌ ayi naa raꞌ ba xpwiiꞌnnraꞌn.

Nee gulgasiaca gahca laꞌh raꞌ bwiinn dxyihdxyi, neezaa gulgacwaꞌn laꞌh raꞌ bwiinn loh guelguhchi, cun gulgasiaca za tihxi raꞌ bwiinn nin rahchyi guiiꞌdxyu tin dxiaca raꞌ ba, cun neezaa gulgabweꞌhe bwiinndxaaba stoꞌ raꞌ bwiinn. Ziga zi bagaaꞌdahn guelrnabwaꞌ riiꞌ laꞌh tu ziꞌchi za gulgagaaꞌda xtsiꞌn tu laꞌh raꞌ bwiinn nin rii guihdxyi raꞌ hasta gadzihn tu

niꞌchin nin ayi guidxyihbi tu, laasii laꞌh tu zirooꞌ ru lasahca tu loh ziahan raꞌ maaniꞌhn.

Rahbi za Ñiꞌh: ―Ayi guunn tu lligaaba guelrbahchidxyiistoꞌ zeꞌldaneꞌhn loh guidxyiyuh riiꞌ, sino que pur naꞌh zilaaꞌha lasaaꞌ raꞌ ba.