პოპულარული ბიბლიური მუხლები APOCALIPSIS 5-დან

გაზიარება

Yuꞌuncha ixtamilpay yu sastꞌi milpati yu inchineꞌ najun: Uxintꞌi laqsaval paxtoqniyan kachꞌapꞌa ni jalhiki y kaꞌexnin taꞌan ltꞌaunikanta. Uxintꞌi tꞌamaqxtꞌaqtꞌi para kꞌanitꞌi. Chuncha kun mijakꞌalna jalaklhiꞌitꞌi lapanakni para Dios, va yu tachiviniy tachun lhichivin, yu machaqan tachun putaulanaxna, ali yu minchal taꞌoqxlaqchux lapanakni lakamunukpaꞌ.

Ayaj pꞌays ixtachiviniy y ixtanajun: Ni Sasꞌatꞌa borrego yu moqslakal tacha lapaxkan yucha lhitꞌajun tachun tapꞌasta, tachun maqaliti, tachun jatapastakꞌati, xoqta lay makay. Xlhiyucha tsꞌanqay katoꞌoyau, ay kamakakal y ox kalhichivinkal.

Uxintꞌi kilamakau jalhachimoꞌonun y kilamakau kuras para kaktapatsaniu Dios. Kaklhachimoꞌonunau aniy lakamunukpaꞌ.

Vachuꞌ ijqasmaklhi tachun axtoqnuꞌ yu Dios lakmakal, yu alin laktꞌiyan, ali yu alin lakatꞌun y vachuꞌ yu alin ixtaꞌapuꞌ lakatꞌun ali yu alin laka mar, tachun yu alin ixtanajun: Yu vil taꞌan jalhachimoꞌonunkan ali yu Sasꞌatꞌa borrego, vamun yuꞌuncha ay kalakmakakal y kalaktoꞌoyakal y ox kalaklhichivinkal. Vamun yuꞌuncha talhitꞌajun tapꞌasta mas va tavanancha kaval, jantu aqtaun katamaktal.

Ex chuncha qayntaun xapay yu ixvil taꞌan jalhachimoꞌonunkan kijunil: —Jantucha kꞌaꞌalhu. Alin ni lapanaki yu junkan ni león yu mintachal xalakatꞌun Judá yu ixpapanti David. Yucha maqalhajatacha ixtꞌalaxkaynin. Yucha lay kapuxꞌoqlhi ni jalhiki yu jasmilniti, lay kalajꞌexnil yu lakatujun taꞌan ltꞌaunikanta.