პოპულარული ბიბლიური მუხლები APOCALIPSIS 22-დან

გაზიარება

Kitꞌin kunita tacha yu pꞌunaj letra yu junkan Alfa ali yu xaꞌastan yu junkan Omega. Va kitꞌin kimpuꞌaqtayniy tachun vachuꞌ kimputamaktay.

Ex va kunkal: —¡Kitꞌin niman kakminchoqoyaꞌ! Kaklhiminaꞌ ixlhilhajatkꞌan yu katapaxtoqniyaꞌ qayntamin lapanakni por yu tamakal.

Ni Espíritu Santo ali yu katatꞌalakxtuklayaꞌ Jesús yu ixlapanakni tajunita, yuꞌuncha tanajun, junkan ni Jesús: —¡Katꞌatꞌi! Yu taqasmatꞌa vachu katajunil: —¡Katꞌatꞌi! Taꞌayuꞌ yu oqputun xkan, tsꞌanqay kamilcha, kaꞌoqlhi ni xkan yu valiꞌiy xtaqkan, yu xtaꞌa jatsukunti.

Ayaj talhiꞌachantajuy ni lapanakni yu tachaꞌay ixlaqchꞌitkꞌan tus ox snapapa tamakay. Yuꞌuncha kalaqxtaqnikanaꞌ lakatin kataꞌunil xaꞌunikan ni kꞌiu yu xtaꞌa jatsukunti. Vachu lay kataputanuyanta taꞌan tayanal xakiltalakxtuti ni ay putaulan.

—¡Nimancha kakminchoqoyaꞌ! Ox kalhixajtachal ni lapanaki yu makay kuenta ixchivinti Dios yu tsꞌoqkanta ni aniy laka libro.

Ancha jantucha aaqtaun kaputsꞌisaꞌ. Ni lapanakni jantu katamaqskꞌiniyaꞌ tuꞌuchun maklku ali julchan. Ni Dios, yucha kamapulkuniyaꞌ. Ancha katalhachimoꞌonunacha mas va tavanancha, jantu aqtaun katamaktayaꞌ.

Yu laqputeꞌey tachun yu aniy masukanta najun: —Laqsaval niman kakminchoqoyaꞌ. ¡Chuncha kaval! ¡Katꞌatꞌi uxintꞌi, Jesús, Jalhachimoꞌonu kꞌatꞌi! Ni Jalhachimoꞌonu Jesucristo katamapaynin mintachunkꞌan. Chuncha kavalcha.

Kitꞌin klaqxaqalay tachun yu taqasmatꞌa ni chivinti yu aniy tsꞌoqkanta, ni va laqsaval yu iknajun. Incha matichun kalalhavayaꞌ ni chivinti, ex ni Dios kalalhavaniyaꞌ ixmaqanlqajnati yu tsꞌoqkanta aniy laka jalhiki. Vachuꞌ incha matichun kamaqosuniyaꞌ lati ixchivinti Dios ni aniy laka jalhiki, ex ni Dios vachuꞌ kamaxtuniyaꞌ yu paxtoqniy kalaqaꞌil yu lhichiviniy aniy jatsꞌoqnuti. Jantu lay kaꞌuyaꞌ xaꞌunikan ni kꞌiu yu xtaꞌa jatsukunti y jantu lay katanuyaꞌ la ixputaulan Dios.