პოპულარული ბიბლიური მუხლები Loma 4-დან

გაზიარება

Kapelyangelele mukukulaela kwendi, co kakele na vimata a cikulaeso ca Njambi, oloni wakulaelele manene, co washangazalele Njambi. Wakolesele ngwendi Njambi asa kulinga vije vyanakulaesa.

Ngwe muvyendeka visoneka ngwavyo, “Njinakupwisa cisemi ca miyati yaingi.” Ngecivene, cikulaeso cinapu cacivwa ku mesho a Njambi, uje yakulaelele Avilahama, Njambi uje muka-kusangula vatsi, uje akushika kwendi anena vyuma vije kuvyesiko ngeci vikaleko.

Vamwecelele ngeci atse omwo vivi vyetu, co vamusangwile ngeci vatupwise vaka-vushunga ku mesho a Njambi.

Avilahama wakulaelele nakukala na cinyangavili, nameme omo kukwakele cuma cakumulingisa cinyangavili, co wapwile “cisemi ca miyati yaingi.” Ngwe muvyendeka visoneka ngwavyo, “Ngecivene, vatekulwila vove vakatuma manene ngwe vingongonosi.”

Co cikulaeso cajendamenene akukulaela, ngeci cikulaeso vanapande kucikolesa kupwa vwana vwa Njambi ku vatekulwila voshe va Avilahama, kesi lika kuli vaje vononoka Lishiko embwe, ololo na kuli vaje vakulaela ngwe mwalingile Avilahama. Omwo Avilahama napu tate yetu voshe vaka-kukulaela.

“Vanavezika vanu vaje Njambi navasambesa ku kupenga-penga kwavo, vanu vaje vivi vyavo vanavifwiki! Navezika munu uje Shukulu Kalunga kamulavela vivi vyendi!”

Visoneka vyendeka ngwavyo, “Avilahama wakulaelele Njambi, co omwo akukulaela kwendi Njambi wamulaveleleco kupwa muka-vushunga.”