Popular Bible Verses from Mateo 15

Share

Runapa rimasqanmi ichaqa sonqonmanta lloqsimun, chaymi runataqa huchallichin. Runapa sonqonmantaqa lloqsimun mana allin yuyaymanaykunawan wañuchinakuykuna, waqllikuykuna, huchapakuykuna, suwakuykuna, llullakuykuna hinaspa kamikuykunam.

Manam imapas mikusqanchu runataqa huchallichin, aswanqa mana allinkuna rimasqanmi, nispan.

“Kay runakunaqa simillamantam yupaychawanku, sonqonkum ichaqa ñoqamanta karupi kachkan. Paykunaqa yanqapaqmi yupaychawankupas, yachachikuyninkupas runakunapa kamachisqallanmi” nispa.

Chaymi Jesús nirqa: ¡Yaw warmi, mayna hatunmi iñiynikiqa! Munasqaykiyá ruwasqa kachun, nispa. Hinaptinmi chaypunilla warmi wawan sanoyarurqa.

Chay warmiñataqmi ñawpaqninpi qonqorakuykuspan nirqa: ¡Señorlláy, yanapaykullaway! nispan. Jesusñataqmi nirqa: Manam allinchu warmakunamanta tantanta qechuruspa allqokunaman wischuykuyqa, nispan. Hinaptinmi chay warmiñataq nirqa: Arí, chaynam Señorlláy, ichaqa allqokunapas dueñonpa mesanmanta wichiqtam mikunku, nispa.