Popular Bible Verses from Matiu 8

Share

Enye ama ọdọhọ mmọ ete, “Nsinam mbufo efehede ndik, mbufo mbon ñkpri mbuọtidem?” Ndien Enye ama adahada, onyuñ asua ọnọ ofum ye mbufit akpa; ndien inyañ odop ana suñ-ñ.

Ndien Etubom ekọñ oro ama ọbọrọ Enye, ete, “Ọbọñ, ami ndotke nte Afo okpodukde ke idak ọkọm mi; edi kam tiñ ikọ, ndien idem eyesọñ eyen ufọk mi.

Ndien ke ini Jisọs okokopde ikọ emi idem ama akpa Enye, ndien Enye ọdọhọ mme mmọ emi eketienede Enye ete, “Ke akpanikọ ke ndọhọ mbufo, nte, akananam Ami ñkwe mbuọtidem emi okponde ntre, kpa ye ke idem Isrel.

Ndien Jisọs ama ọdọhọ Etubom ekọñ oro ete, “Nyọñ ufọk fo, koro nte afo onimde ke akpanikọ ke esit fo, oyosu ntre ọnọ fi.” Ndien eyen ufọk esie onyuñ okop nsọñidem kpa ke ini oro.

Idem ama akpa mme mbet emi, ndien mmọ ema edọhọ ete, “Nso utọ owo idi emi? Kpa idem ofum ye mbufit inyañ esuk ibuot enọ uyo Esie!”