Popular Bible Verses from Ma-thi-ơ 4

Share

Pô Yê-su thuuk: “Hu panôic vak laic: ‘Mưnuix urang diup ôh njaup ciêt nhơ di tapei thoh ô, min lijang nhơ di abih panôic đôm mưng pabah Pô Lingik.’”

Pô Yê-su bican thong nhu laic: “Hơic Sa-tan xang kadun mek! Kaywa hu panôic vak: ‘Hư xang bhuktik Pô nạn Pô Lingik hư, thong ciêt ragxa tha drei Bhô min.’”

Pô Yê-su bican: “Lijang hu panôic vak: ‘Hư jôi padau Pô nạn Pô Lingik hư.’”

Hadei di nan, Pô Nưbi Ginrơh ba Pô Yê-su tamư dalam bhum kamrang piêh ciup Abilêh palwô ngal. Hadei di tuk ikak tian ơk pāk pluh harei thong pāk pluh mưlam, Bhô lipa.

Bhô bican thong khol nhu: “Xang tui Ita, mưca Ita ngak ka khol hư gilaic hajiơng urang tong nhôl di mưnuix.” Khol nhu binhêt klāk nhôl, nao tui Bhô.

Mưng tuk nan, Pô Yê-su raup rao lang laic: “Khol hư xang tumal, kaywa Dit Biya Thôr Riga krung hu mưrai jek.”