Popular Bible Verses from Genesỳ 50

Share

Nikendry hanisy ratsy ahy ianareo fa Andriamanitra kosa nanova izany ratsy izany ho soa mba hamonjeny vahoaka marobe araka izao hitanareo ankehitriny izao.

Fa hoy i Jôsefa taminy: –Aza matahotra ianareo, fa tsy haka ny toeran’Andriamanitra aho.

Koa aza matahotra ianareo, fa izaho no hiahy ny sakafo ho anareo sy ny ankohonanareo. Ary nampahery azy i Jôsefa sady nanao teny nanohina ny fony.

«Izao no holazainareo amin’i Jôsefa: Mamindrà fo ka avelao ny heloka amam-pahotàn’ireo rahalahinao fa ratsy no nataony taminao.» Koa ankehitriny mba avelao ny helokay mpanompon’Ilay Andriamanitry ny rainao. Dia nitomany i Jôsefa noho ny teny nalefan’izy ireo taminy.

Indray andro dia hoy i Jôsefa tamin’ireo rahalahiny: –Ho faty aho, nefa hamangy anareo tokoa Andriamanitra ka hampiala anareo amin’ity tany ity ho any amin’ny tany izay efa nianianany homena an’i Abrahama sy i Itsehàka ary i Jakôba.

Koa mianiàna amiko fa rehefa hamangy anareo tokoa Andriamanitra, dia hoentinareo miakatra avy atỳ ny taolam-baloko.

Maty i Jôsefa, rehefa feno 110 taona. Nohosorana zava-manitra ny fatiny; ary tao anaty vata vato no nametrahana azy tany Ejipta.