პოპულარული ბიბლიური მუხლები Nwoŋim 20-დან

გაზიარება

“Amo mo ye abam Tu BAŋA Wɛ wom. Amo maa ye wolo na jaane abam a ja nwoŋi Ejipti teo kom ne pa se a vere abam á kabɛɛne dem ne a yage to. Daa á yé zuli-na wɛ dedwoŋi á woli amo wone.

Yé zaŋe-na á mɔ kamɔgɔ se ko taa ye jwoni ko pa abam. Á yé mɔ woŋo se ko lwoni wɛyuu wonnu, naa tega baŋa wonnu, naa tega kuri na bam wo wonnu. Abam ba jege se á tiiri te yiga ne naa á zuli-te. Kokuri to, amo mo ye abam Tu BAŋA Wɛ. Amo yi page abam baŋa ne mo. Ko ná ye balo na ve amo to, a yeini a waare-ba de ba bia maama se ko vo ko yi ba dwi dem kuni betɔ naa bena laŋa ne mo.

Ta‑á nege-na á kwoa de á niina, se ko pa á ta‑á jege momwɛ-dɛɛre maŋa kalo á na wó ta‑á zoore tega kalo abam Tu BAŋA Wɛ na lage o pa abam to wone.

Ta‑á guli-na Wɛ siu dɛ dem se á pɔɔre-de da yam maama wone á pa Wɛ.

Yé zaŋe-na á bwoŋi á Tu BAŋA Wɛ yere kafɛ yerane, se BAŋA Wɛ wó waare wolo maama na ke konto to.

Da yarepɛ maama wone, abam jege da yaredo mo se á ma á toŋe totoŋa dwi maama. Ko nam ná ye da yarepɛ dɛ dem, abam Tu BAŋA Wɛ pɔɔre-de mo o pa o tete, se de taa ye siu dɛ. De dɛ ne, nɔɔn-nɔɔno ba jege se o toŋe kolokolo. Ko maa ye abam, de á bia, de á bukwa, de á kabɛ, de á ka-nyaana maama mo bá taa toŋa. Ko woli da, abam vara bam, de veira balo na zoore á teo wone to de bá taa toŋe totoŋa dɛ dem konto ne.

Yé kwei-na á boboŋa á daŋe á dwonna sam baŋa ne. Nam yé pa-na se á boboŋa taa wo ba kaana baŋa ne. Yé pa-na se á fera zo ba kabɛ naa ba ka-nyaana wone. Yé pa-na se á yi su á dwonna nabɛ, naa ba bonɛ, naa woŋo kolo maama na ye ba nyem to.”

Yé zaŋe-na á bore vwa bora á ma á vane á dwonna.

Yé ke-na kabwoŋa de nɔɔno wodwoŋi kaane.

Yé zaŋe-na á go nɔɔno.

Yé ŋɔ-na kolokolo.