Popular Bible Verses from Mataio 8

Share

Na tali atu ia Iehu kia te kilātou, “Heā te mātataku ai koutou? Kai te taigole lele o te koutou fakatuatua!” Oi na tū ai ia Iehu ki luga kua fakatonu te matagi ma nā galu ke mālū, ma na toku ai loa te matagi ma toka te tai, ma kua tokihi te malino.

Kae kua tali mai te takitakikau. “Te Aliki, ko au ko he tino fakatauvā ma e hē talafeagai ke ulu koe ki loto o toku fale. Kae tau lava ko hau kupu, ma ka mālōlō ai taku kaukauna.

I te lagona atuga e Iehu o nā kupu iēnei a te takitakikau, oi na ofo lele ai; ma na vāgana atu ai ki nā tino nae tau mulimuli mai kia te ia, “E lea atu au kia te koutou, e hēki kō iloa lele he tino i Ihalaelu e vēnei hona fakatuatua!

Oi na lea atu ai ia Iehu ki te takitakikau, “Fano loa ki te fale o koe. Ko te mea e talitonu koe ki ei, ka vēnā lava ona fakatāunuku mo koe.” I te taimi lava tēnā na mālōlō ai te kaukauna a te takitakikau.

Na ofo lele te kau hoko ma lea vē, “He itūkāiga tagata vēhea tēnei? E pa foki lava ki te matagi ma nā galu e uhitaki kia te ia!”