Popular Bible Verses from Mataio 4

Share

Kae na tali atu ia Iehu, “Lea mai te tuhituhiga paia, ‘E hē ko nā meakai oioti te ola ai te tagata, kae ko nā kupu uma e vāgana mai ai te Atua.’ ”

Na tali mai ia Iehu, “Hatani, fano kehe! E lea mai te tuhituhiga paia, ‘Ifo atu ki te Aliki tō Atua ma kaukauna oioti kia te ia!’ ”

Na tali atu ia Iehu, “Kae ko te tuhituhiga paia e lea mai foki, ‘Nahe kē tofotofoa te Aliki tō Atua.’ ”

Oi na tataki ai ia Iehu e te Agaga ki te vao ke fakaohōho e te Tiāpolo. E fagafulu ia ao ma pō na fakalāina ai ia Iehu, oi na lagona ai e ia te fia kaia.

Na vāgana atu ai ia Iehu kia te kilāua, “Mulimuli mai kia te au oi fakaako atu ai koulua e au, ke fai ma tino faifaiva ke maua ai ia tagata.” I te taimi lava tēnā na tuku ai o lā kupega, kae kua mulimuli kia Iehu.

Mai te taimi tēnā na kāmata ai oi fai te tālakiga a Iehu e vē; “Liliu kehe mai autou agahala, auā ko te Mālō o te lagi kua tafapili mai.”