Popular Bible Verses from Ioane 2

Share

Ko te fakailoga muamua tēnei na fai e Iehu, i Kana i Kalilaia; ko kinā na ia fakaalia ai tona mamalu, ma na talitonu ai kia te ia ona hoko.

Na tali mai ia Iehu, “Te māfine, ko koe e hē tatau ke lea mai ki nā mea e tatau ke kō faia! Ko toku taimi ko hēki pa mai.”

Ma na lea atu ai ia Iehu ki nā kaukauna, “Fakatūtumu nā hiā iēnei i te vai.” Na fakatūtumu ai e kilātou nā hiā tukuvai, ma na pa lele ake ki nā kaugutu. Oi na vāgana atu ai ia Iehu kia te kilātou, “Ahu ake la ni vai oi kave ki te tino e pule i te kaiga.” Kua kave e kilātou nā vai ki te pule o te kaiga

Na tali atu ia Iehu, “Talepe ki lalo te Mālumalu tēnei, oi toe fau ai e au i ni aho e tolu.”

Oi na fafau ai e ia he kini i nā meakafa tuaiti, ma na tuli ai e ia nā manu ki fafo o te Mālumalu, nā māmoe ma nā pōvi; kua togi e ia ki lalo nā laulau a nā tino huitupe ma fakatakape a lātou tupe hiliva; ma na fakatonu ai e ia nā tino fakatau lupe, kua lea vē atu ki ei, “Kave kehe ki fafo nā mea iēnei! Nahe toe faia e koutou te fale o toku Tamana, ma māketi e fakatau ai nā koloa.”