Popular Bible Verses from Matyo 28

Share

Tiʼ ngɛnə lá, a mbó ɨbɛn bɨtsum ɨdiʼ ɨtsum, ngɨ awa a nye bɨyɛʼ ɨban: ngǎ nkyi a mbó bo nɨ ɨkum Tarɨ, nɨ wu Mɔn, nɨ wu Azhwi zə Fɛmnɨ, nkə́ ndiʼnə awa ngə́ á bo ndzúʼnɨ́ ɨnu ɨtsum tsa ma tɨ́gɨ́tɨ́nɨ́ awən ɨwu ə. Ma mɨ tsi bɨgɨnə nkfu ɨtsum ɨ kɔʼ kuʼ a ndwitɨ mbyi ɛ.”

Yeso a tíʼ nkɔ́ʼtɨ́ ngɛn a mbyɛn bo ɨ soŋ ngə́, “Bɨ ghanə mɨtən mɨtsum a fɔməbvurə bo atuəshe a mbó me ghe.

Ntsendá Ŋwi za ɨ ghám a mbó bəngye ba ɨ soŋ ngə́, “Njimbɨʼ nɨ tsi nɨ nɨbɔgɨ ə; ma zhi ngə́ nɨ lǒ lá a Yeso wa bɨ kɨ kwemtɨnɨ atɨ abaŋnɨ-baŋnɨ lá. Ka a tsi ayi ɨghə; bɨ zhwemnɨ ayi a mbó nɨvwo tsɛʼ adzaŋ za a sóŋnɨ́ lá. Yenə, zɛnə adiʼ za a kɨ nɔŋnɨ ɨwu ə.

Yeso a sóŋ a mbó bo ngə́, “Nɨ keʼ bɔgə; ghɛnə ngɛn soŋ a mbó ɨbɔmbɨma ɨban ngə́ á bo ghɛn a Galili, ɨwu bo mɨ zɛn aghə.”

Bɨntumshe bə wi bómnkɨ́ bo bɨ bɨkum bɨ alaʼ nkəmnɨ; nga nkáb zɨ ngwi a mbó bɨgwe ba ntiʼ soŋ ngə́, “Nɨ mɨ soŋ a mbó ɨbɛn ngə́ bɨyɛʼ ɨbyi yén nɨ ɨtfúʼ ndze akfú azhi mbáʼ nɨ kɨ́nə́ ndyě ghe. Be məzen a ghɨ́ ngɛn fu a ntsu gobɨna, bɨgɨ mɨ zhi ɨnu tsa bɨgɨ mɨ soŋ, á anu zə tse a keʼ awən ghɨə.” Bɨgwe bɨ ntsǐŋ ɨdiʼ ba kwárɨ́ nkáb za nkɨ ngɨ tsɛʼ adzaŋ za bɨ tɨ́gɨ́tɨ́nɨ́ awa ghe. Ma lan, nə nɨ njalaʼ za bə Yuda tiʼnə nkərə a mbó ɨbɛn ɨ kɔʼ kuʼ ntsu sɨŋə ghe.