პოპულარული ბიბლიური მუხლები मत्ती 24-დან

გაზიარება

क्यूंकै अधरम बढज्यैगो अर लोगां गो आपसरी गो प्रेम कम होज्यैगो। पण झिको आखिर तांई टिक्यो रेवैगो बिंगो ई उद्धार होवैगो।

सुरग गो सुब समाचार सारै संसार में सारी जातियां नै सुणाई ज्यैगो जद अंत होज्यै'गो।”

जद थे लड़ाईयां गी बातां सुणो तो डरियो ना। इंया तो होवैगो पण ओ अंत कोनी हो'सी।

हर एक राज एक दूसरै गै बिरोध में खड़या होज्यैगा अर काळ पड़ैगा अर भुचाळ आवैगा। पण जद लुगाई गै जापै गै टेम झिको बिनै दुख होवै इंयाई दुख सरू होवैगो।

धरती अर आकास टळ सकै पण मेरी बातां कोनी टळ सकै।

मैं ओ ईंखातर केऊं, हिस्या भोत है झिका मेरै नाम में आ'गे केसी, मैं मसी हूं। बे भोत लोगां नै आ'गे भटकावैगा।

बिं टेम बे थानै सजा देण खातर पकड़ावैगा अर मरवावैगा अर सारी जातां गा लोग थारूं बेर करसी क्यूंकै थे मेरा चेला हो। बिं टेम भोत सै लोगां गो बिस्वास टूट ज्यैगो। बे एक दूसरै नै पकड़ावैगा अर एक दूसरै ऊं बेर करैगा। भोत सारा झूठी बात बताण आळा खड़या होज्यैगा अर लोगां नै भटकावैगा।

यीसू उतर दियो, “सावधान रेईयो, थानै कोई भटका ना दैय।

ईंखातर थे बी तैयार रेओ, जद थे सोच्यो बी कोनी होवैगो, बिं टेम मिनख गो बेटो आज्यैगो।

थे चोकस रेईयो क्यूंकै थे कोनी जाणो थारो प्रभु कद आसी।

बिं दिन गै बारै में कोई कोनी जाणै, ना सुरगदूत अर ना खुद बेटो। एकलो परमेसर ई जाणै।

क्यूंकै कपटी मसी अर झूठी बात बताण आळा खड़या होज्यैगा कै हिस्या चमत्कार गा काम दिखावैगा अर चुणेड़ा लोगां नै बी भटका देवैगा।

जिंया नूह गै दिनां में होयो बिंयाई मिनख गै बेटै गो आणो हो'सी। जिंया जल प्रळय आणूं पेलां नूह जहाज पर चडण गै टेम तांई लोग मोज मस्ती में रेवंता अर आपगा सारा काम काज करता। जद जल प्रळय आयी तो बण सारा नै डबो दिया। मिनख गै बेटै गो बी इंया आणो हो'सी।