Popular Bible Verses from ROMA 2

Share

Tapi kam o teman, iukumndu kalak si deban, sedang kam pe bage nge perbahanenndu! Ntah iakapndu kin banci kam pulah i bas ukumen si rehna i bas Dibata nari? Ntah la iergakenndu kiniulin Dibata si bage belinna, kesabaren ateNa mereken ukumen e? Ietehndu kap maka Dibata e mehuli, sabap ateNa mabai kam gelah jera.

O teman, ise kin kam maka iukumndu kalak si deban? Kam pe ersalah kap! Adi iukumndu kalak si deban, iukumndu kap bandu, sabap perbahanenndu pe bali ras perbahanen kalak si iukumndu e.

Sabap kerina manusia bali nge i lebe-lebe Dibata.

Sabap labo kalak si megi Undang-undang e si rembak ras Dibata, tapi kalak si ndalankenca nge.

Ibalas Dibata me pagi man tep-tep kalak sue ras kai si enggo ibahanna.

Tapi man kalak si ngukuri kepentingenna saja, si la ia nggit ngikuti ketuhu-tuhun, tapi si salah nge si iikutina, man kalak si bage idabuhken Dibata pernembeh ateNa.

Tapi mersik ukurndu janah la kam nggit jera. Erkiteken si e kam kap mpepulung pernembeh ate Dibata guna Wari Ukumen e, i ja ukumen Dibata si adil ipetangkas.