პოპულარული ბიბლიური მუხლები Luka 3-დან

გაზიარება

Abɛa bando basɛ bausia kwiniwa mbuu, Yɛsu nawɛ na kwiniwa mbuu. Ne abɛchaya awɛ mu kwiyaya kwa Kakua, iyoo na kuchiboka. Ne Motema wa Ama na kwika mo nganda mwaakɛ bwe ngulimba. Chuuki koola kwiyoo na kuungweka itɛ: «Awɛ ne Mwaana waanɛ, ngondwa yaanɛ, otokondwa naanɛ.»

Kɔ bɔbɔ Yɔana na kobasaolea basɛ itɛ: «Mee natumwina mbuu mo maache; ɔyɔ we mokoba oe ne bɔkɛtɛ kongoela, sitowaena naa ne kokakoa michie yee bilato byakɛ; awɛ, otamwine baanu mbuu ko Motema wa Ama, ne kwe toya.

Moangoeche ko njea yee bikete binu itɛ musutuuluka kotoka bwabea bwiinu, kabee mɔɔchaya monda mwe metema yiinu itɛ: ‹Toe ne ibota lya Abulaamu.› Natomosaolea kiinɛkinɛ itɛ, Kakua unatuula maa mawɛ koongwa ibota lya Abulaamu.

Na bono iyoka leobekwa kɔ kɔbɛmba mete mu michi yaakɛ. Kɔ bɔbɔ ɔɔsɛ mote otaasi okaoche bimuka byaachi, otabɛmbiwɛ ne kokosolwa mo toya.»

Abyo na koolea bwakunyɛwa abyo nɛ ndɛnda ya Kakua Isaya mu kitabu kyakɛ itɛ: «Chuuki lye mondo otota mokando mwilongo: ‹Moongeke njea ya Mwaame, ne kɔɔnɔna maeteo makɛ! Ɔɔsɛ moenga otachekwe, ne biisɛ bitoo ne biembe bitaikiwe; ne njea cha bungama chitaɔnɔnɔkɛ, ne njea chabea chitaongwe chaachi. Ne bando basɛ batamɔɛ kooloka kototoka kwa Kakua.›»