პოპულარული ბიბლიური მუხლები Nugana 37-დან

გაზიარება

Ta Iosepa ‘i madawara, ta tasinao ‘edia ‘i simana: ta nuadi ‘i to‘umalina wawasae ‘enaia.

Ta Iseraela Iosepa ‘i obobomena wawasae natunao iauiaudi ‘edia, tauna natuna tuta enega ‘i tai sinabwana ta ‘enega: ta ‘ana ‘oama iomwaiomwarina ‘i sailina.

Ta tasinao si ‘itena ‘aene tamadi ‘i obobomena wawasae tasinao iauiaudi ‘edia; ta nuadi ‘i to‘umali ‘enaia, ta nigea kapekapeana ‘ena si da ona guguia.

Ta wate ‘e bweu madawara ‘i madawarena, ta tasinao ‘edia ‘i simanena, ta ‘i gwae, Wa ‘ita, wate ‘e bweu madawara ia madawarena; ta, wa ‘ita, sinara ta nawarae ta kwadima ‘e elebeni ‘eguia si bwagobwago.

Ta tasinao si e‘ipi‘ipi manuna; ta tamana ona nina ‘i nua‘i‘isina.

Ta ‘i eonedi, Ia sidemi, madawara gete ni‘atu ia madawarena wa da nonona: Wa ‘ita, ta ‘enega, witi ta ebwagilina bagura ‘enaia, ta, wa ‘ita, ‘igu bwagila ‘i tooro, ta wate ‘i tooro paruparuna; ta, wa ‘ita, ‘imi bwagilao si sakowasiena, ta ‘igu bwagila ‘ena si bwagobwago.

‘Enega wa da mai be ta da ununa, ta gaula ‘e bweuna ‘ena ta da ulena, be ta da ona, Bomitawa to‘umalina ‘e bweu i ‘enina: be ta da ‘ita to‘ase ‘i da apwesa ‘ina madawarega.

Ta me Midiana si tautauia, to gimwani; ta Iosepa gaulega si lisi tu‘eienama ta si ‘ewatu‘eiena, ta Iosepa si gimwaniena me Isimaela ‘edia sileba ‘e tweniti manudi. Ta Iosepa si ‘au‘ewena Aigupito ‘enaia.

Ta si eonaona ‘e bweuna ‘e bweuna. Wa ‘ita, to madawara gete ‘i memai.

Ta si ‘itena ‘edasoraia, ta nigea ‘i mema serabedia, ga si wasegigiena ‘aene si da ununa.

Ta Rubena ‘edia ‘i gwae, Gea‘abo rarana ta giedau; gaula gete mitawaia ‘ena ta da ulena, ta gea‘abo ta unuunu: ‘aene nimadiega ‘i da ‘etoseena, be tamana ‘ena ‘i da ‘ebwaea limane.