პოპულარული ბიბლიური მუხლები Matie 19-დან

გაზიარება

'N ɔ yuëë ‑gömö yɩlɩ, ɔ lɛ naa: «Nɩkpɛ 'nɩɛ bhɛnɩ ɔ 'kä ɔnyɩ puë. ‑Maa Lagɔ a dɔ'wʋ, ‑lu a ‑muu 'tɛɛ 'möö, wʋ'ʋä ‑bhölɩ.»

Sɛ'ɛ yɩ sɛɛ zɛmö nɩɩ, Nɩkpɛ ‑nyɛ ɔ 'lɛnglɛ 'sɔ, wa'aa'a nɩkpa 'sɔ ‑bhli, ‑maa nɩkpɛ ‑bhlʋ wa glɩnɩa'aa. Zaa, Lagɔ ‑kä nyɩbhɛlʋ ‑nyɛ 'nglɔ 'sɔ nɩkpɛ ‑bhlʋ 'wʋ 'zʋa 'wëë, ‑bɛ 'nɩɛ ‑kä ɔ 'kʋä 'ylimö ‑sɛnɩ.»

Zezwii lɛ naa: «Sɛ'ɛ yɩ cɛlɩɛ ‑mä Lagɔbɔgʋʋ nɩɩ: Tɛɛtɛɛdɔ'wʋ, dɛɛ Lagɔ ‑bhɛɛ mä'ä 'pɩwʋ a ‑lii 'wuë, nyɩbhɛlʋ ‑nyɛ 'nglɔ 'sɔ ɔ ‑bhɛɛ. Wɛlɩkïbhë 'la, a 'na bhä ‑zɩ 'mö zɛlɩ ‑a? 'N ɔ yi'ɛɛ nɩɩ: ‑Sɩbhä a za nɩkpɛ kää ɔ 'kä ɔ dɩba ‑nyɛ ɔ ‑da 'sɔ yɔwʋ 'bhöö, ɔ ‑nyɛ ɔ 'lɛnglɛ 'sɔ, wa 'kä yɔwʋ 'diodionɩ wa 'kä nɩkpɛ ‑bhlʋ zʋ.

‑Maa Zezwii lɛ naa: «A nɩ ‑sɛ yuëa kɛ yɔwʋ, wa ‑kaa yɔwʋ yi, ‑maa a nɩ tuë 'yio 'wʋ ‑sɛ. Ɛ'ɛ ‑bhö nyɩasɛ, ‑maa nɩkpa a ‑muë ‑wʋä wa saa, 'pɩwʋ mää Lagɔ 'kämanɩɛ, mʋa 'kää ‑mä 'bhle ghlɩ.»

Nɩkpaa a ‑bɛ ‑wa ‑gää zɩ'ɛ 'yukuu, wa yi nimï 'plɩ, 'n ‑wa ‑gää zɩ'ɛ nimïï, wa yi 'yuku 'plɩ.

‑Maa nɩkpɛ a ‑mɔɔ ‑kä 'ɔ 'ligbëa ‑nyɛ 'ɔ 'lagbïlea 'sɔ kɛ'mö ‑sɛ, ‑ɔ ‑kä 'ɔ ‑kosu yɔwʋ a ‑nʋa yɔwʋ 'bhöö, ɛ yi ɔ nyɩbhɛlʋdaayuë muë oo, ɛ yi ɔ nglʋdaayuë muë oo, ɛ yi ɔ dɩba ‑nyɛ ɔ ‑da 'sɔ muë oo, ɛ yi 'ɔ yuëa muë oo, ‑li 'la ‑nyɛ nɩkpa 'la 'sɔ, nɩkpɛ a ‑mɔɔ ‑kɩɩ na za kɛ'mö ‑sɛ, ɛ nɩkpɛ 'la, ɔ yi ‑li a ‑bɛ ghlɩ, yɩ yi tɛkänɩɩ ɔ ‑sɛɛ kɛ'mö tenyii 'wʋ zi. 'Wë, Lagɔ yo'ɛ 'pɩwʋ mää 'naa 'kää 'yli bhɩɛ 'nyɛ.

Zezwii lɛ naa: «‑N ‑kä nɩɩ ‑n 'kä ‑kpöö 'wʋ ‑wʋ nʋʋ, mö, ‑lii 'wuë ‑n kää, ‑n 'kɩ 'pɛlʋ 'pä, ‑n 'kä yɩ moni 'pʋäwa dilanɩ, ‑maa ‑mä Lagɔ yɔwʋ ‑n yi ‑mä wʋlʋnɔ ghlɩ. ‑N ‑kä ‑sɩbhä 'zʋ 'wëë, yi ‑n ‑kaa ‑gänɩ.»

Zezwii lɛ naa: «Sɛ yɩ ‑wʋ ɔ 'mö, n‑n 'yɩbhänɩ bhä ‑li ‑mi nɛnɩɛ 'wʋ 'nɩ? Lagɔ a 'yize mɔɔ ‑gää kɛ. N‑n ‑kä ‑n 'kä 'pɩwʋʋ mää 'naa 'kää 'yli bhɩɛ ghlɩɩ, 'zʋ 'ɔ Gböö 'klʋkpamö.»

Sɛ'ɛ n gbää nɩɩ, n nɩmɛgwli ‑kä bhɛnɩ ɛ 'kä 'sayi a ‑dʋ 'mö ghlɛnɩɩ, 'pɩwʋ mää Lagɔ 'kämanɩɛ, wʋlʋnɩnyɔ yi ‑mä 'bhle ghlɩ.»

‑Maa sɛ'ɛ n nyanyɩɛ 'dɩ nɩɩ: Nɩkpɛ a ‑mɔɔ ‑ɔnyɩɩ nglɔɔ 'nɩɛ gbɩ sɛ tɛlɩ, ‑ɔ sɔɔ 'suë 'mö, 'n ɔ kwää käbönɔ, 'nyinyloli ɔ nʋä Lagɔ a 'yila 'klʋ a dɔ'wʋ.»

Nɩkpɛ möä 'wëë, 'n Zezwii yiɛ 'ɔ ‑gänɩwaa 'yi gö, ɔ lɛ naa: «‑Tiamö n nyanyɩɛ dɛ'ɛ 'dɩ nɩɩ, nɩkpɛ a ‑mɔɔ wʋlʋä, 'pɩwʋ mää Lagɔ 'kämanɩɛ, ɔ 'kä ‑mä 'bhle ghlɩ a dɔ'wʋ, 'mö yɩ 'tɛɛ.