პოპულარული ბიბლიური მუხლები मरकुस 12-დან

გაზიარება

यीशु तेसनी उत्तर दिता, “सभनियांं आज्ञाय मझ अकै बडी आज्ञा आ, हे इस्राएलि मैहणुवो शुणा।” प्रभु असैड़ा परमेश्वर अकै प्रभु आ। ऐठणीरै तेईनी तु प्रभु अपड़ै परमेश्वरानि अपड़ै सारै मंने ला, अपड़ै सारै प्रांण, अपड़ि सारी बुद्धी, सारी शक्ति सेईतै प्रेम रखै। जां दुईं बडी आज्ञा ऐआ, “तु अपड़ै पड़ोसी सेईतै अपड़ै समान प्रेम रखै। ऐत किना बडी कौ आज्ञा ना।”

तां यीशु अपड़ै चैलै ऐपु किन शदा करि तैन्हांं सेईतै बौलु, “आंउ तुहांनि सच बोलता कि, मंदरैरी दांनेरी पेटी मझ सुटणै वा मझ ऐनि विधवाय सभनियांं किना जादा दान सुट्टा; केईनी कि सभनियांं सुटणारा मझियां अपड़ै बड़ै धनां मझांं किछ हिस्सा दान दित्ता, पण ऐनि विधवाय अपड़ु सभ किछ दी दित्तु, ऐठि तेईनी कि तेनी सै बि सुटि छडु जै कि तैस ऐपुनि जीते जी चेहिंथु थियु।”

यीशु मंदरेरी दान पेटिरै सांमणै बेशि करि तकांता थ्या, कि लौक मंदरैरी दांनेरी पेटी मझ किहीं दान सुटतै; जां अमीर मैहणुवें दांनेरी पेटी मझ बड़ा जादा दान सुट्टा। तां फिरी एकि गरीब विधवाय अईछी करि दो दमड़ी (ताम्बेरे दो हल्कै सिक्कै), जै एकि अधैलै बराबर थी, सै सुटि।

जां तैस सेईतै अपड़ै सारै मंने, सारी बुद्धी, जां सारी शक्ति सेईतै प्रेम रखै; जां अपड़ै पड़ोसी सिंउ अपड़ै समान प्रेम रखै, ऐ सभनियांं दान-दंछणाय जां बलिदांना किना बधि करि आ।”

यीशु तेन्हांनि बौलु, “जै रोम देशेरै सम्राटेरू आ सै तेसनी दी देया, जां जै परमेश्वरेरू आ सै परमेश्वरनी देया।” तां सै तैस पन बड़ै हैरांन भूंणा लगै।