Popular Bible Verses from Mateo 8

Share

I Jesús xub'ij chke: —¿B'uchak lik kixij iwib'? ¡Xatab'a lik nti qas ukub'ib'al ik'ux chwe! —Xcha chke. Are uri, xtak'i anoq xaq xujeq u'atixik i tew, xaq i ya chi kel chikaj; are uri xuxlan i tew xaq i ya, lik xesilab' ti chik.

—I aj-atzil chke i achiyab' chi je yij che i ch'oj aj Roma xub'ij, nim laj winaq, yin kmajaw ti chwe katok pwachoch; xwi chab'ij panoq: ¡Chutziroq! Man keje ile inmokom kutzir na. Weta'am chi lik o pa'ab' u'anik ile.

Are xuta i Jesús ile, lik xub'isoj. —Chita pe' —xcha chke i je teren chrij, mitene jun chke i aj Israel winaq kul uk'ux chwe pacha u'anom i achi le.

Are uri xaq xub'ij che i aj-atzil chke i achiyab' chi je yij che i ch'oj aj Roma: —Utz kat-e chi awachoch, xaq k-an ni che amokom pacha atz'onom —xcha i Jesús. Lik are or uri xutzir umokom i aj-atzil.

Ike lik xkib'isoj wach i xu'ano. —¿B'i chi achi le chi o i nimaq taq anik pu'ab'? —Xkib'ij chkiwach—. Chi i tew, xaq i ya, kekojon che, wach i kub'ij—; kecha.