Popular Bible Verses from Mateo 2

Share

Are xe'ok ru' ja, xkiriq i ak'al ru' uchuch, ixoq Mariy, xexuki'ik, xkikoj u'ij i ak'al. Te'uri xkijaq i kikaxa, xkesaj li kisipon chi kok'am, xkiya che. Ile are an-o'oj, pom, xaq i mirra.

Are xalax i Jesús pa tinimit Belén re i jyub' Judea, i ajawinel are i mam Herodes. I mam le o pupatan pa tinimit Jerusalén; je o jub'an nimaq kino'oj, je petnaq k'a naj prelb'al ij. Are xeupon pa Jerusalén, xkitz'onoj chke i winaq: —¿Ipa o wi i nim laj ajawinel ke i aj Israel winaq chi xalaxik? Ya xqil uch'umil are oj o chila prelb'al ij, rumali xojk'un chukojik u'ij —xkib'ij.

Are xkil i nimaq kino'oj chi xtak'i i ch'umil, lik xekikotik.

Are xetzalij chik pkitinimit, junwi chik b'e xkimajo man xb'ix chke rumal i Dios pkiwaram chi metzalij chik ru' i mam Herodes. Are je enaq chik i nimaq kino'oj, te'uri jun ángel re i Ajwal xwinaqir puwaram i ma José. Xub'ij che: Chatwalijoq, chak'ama b'i awak'al, xaq i uchuch, i chat-anmajoq, jat k'a Egipto. Chat-ol chila k'a kinb'ij ni chawe junpa katpetik, man i mam Herodes kutzukuj ni ak'al, kraj kukamsaj; xub'ij i ángel che.