Popular Bible Verses from Hechos 25

Share

I ma Festo le kolo wajxaqib' ij o lajuj ij xu'an chila pa Jerusalén, te'uri xtzalij chik pa Cesarea. Chukab' ij xkub'i che uk'ijib'al chu'anik upatan xaq xutaq uk'amik ma Pablo. Are xok b'i ma Pablo, i aj Judío chi je petnaq pa Jerusalén xetejeb' panoq xaq xe'ok chukojik nimaq taq umak, xwiri ni'pa i umak chi xkib'ij le lik qatzij taj.

Are uri i ma Pablo xch'awik tob'al rib': —Yin mijun inmak in anom, inqelom ti ki'atb'al tzij aj Judío, mitene in qajsam u'ij i rachoch i Dios xaq nti inmak in anom chrij i ma César chi aj Roma —xcha.