Popular Bible Verses from 1 कुरिन्थियों 2

Share

पण जस्यान पवितर सास्तर मं मण्ढरी छ। “ज्यांन्अ आंख्या देखी कोन्अ अर कान सुण्या कोन्अ। अर ज्यो बाता मनखा का चत मं कोन्अ चढ़ी वेई छ ज्यो परमेसर बीसुं परेम करबाळा बेई त्यार कर्यो छ।”

पण संसार को मनख परमेसर की आत्मा की बाता न्अ कोन्अ मान्अ, क्युं क वे उंकी नजरा मं मुरखता की बाता छ, अर न्अ वो वान्अ जाण सक्अ छ क्युं क उंकी जांच आत्मा की रीत सुं होव्अ छ।

पण परमेसर वांई बाता न्अ आत्मा सुं आपण्अ बेई परगट कर्यो छ। क्युं क आत्मा हरेक बात न्अ हेर लेव्अ छ अण्डअ ताणी क परमेसर की राजहाळी बाता न्अ बी।

आपा मं संसार की आत्मा कोन्अ पण आपा खुला मन सुं वा आत्मा पाया छा ज्यो परमेसर की ओड़ी सुं छ क आपा वां बाता न्अ जाण सकां, ज्यो परमेसर आपान्अ दियो छ।

अर म्हारी बाणी अर म्हारा संदेस मनखा का ज्ञान सुं राजी करबाळा सब्दा सुं कोन भरया छा पण उम्अ परमेसर की आत्मा की सक्‍ती का परमाण छा, जिसुं क थांको बस्वास मनखा का ज्ञान की बज्याई परमेसर की सक्‍ती मं टक्अ।