Popular Bible Verses from Matai 2

Share

Pwu vakingila nńumba umwu vakambona numwana na ju Malija uvańina, vakasugama pasi vakasana kumwene, vakavopola isyuma sya vene vakatola isya kumbonola vakata nasahabu vakata nisya kutuṅilitsa nuntuguva unkali ugwu vita ju mila ilitavwa.

Umwene UJesu vwu aholilwe mu-Betelihemu mbutsenge vwa nkilunga kya mu-Jutai mmwaka gwa vutwa vwa Heloti, pwu vakavoneka avamańanondwe avahumile kuvuhumo uvwa litsuva mu-Jelusalemu. Vwu vakavutsa vakata: Unkuludeva va va-Juta uvi aholilwe lino ali ndaku? Mańa tuluvwene ulutondwe lwa mwene kuvuhumo vwa litsuva, pwu twitsile kusana kumwene.

Vwu valuvwene ulutondwe pwu vakahekela sitso.

Umwene Unguluve akavavula mmagona-sivi akata: Kwu bako ukuluta ija pa-Heloti ukubiha kukilunga kińo. Vwu vavukile avene pwu unsuṅwa va Nguluve akambonekela UJosepu mmagonasivi akambula akata: Sisimuka untole umwana nuvańina ukimbilile mu-Egipiti, mwu ukavetsage mumwa ukutsisika palitsuva lilyu ndilakuvula. Mańa UHeloti iva pakundonda umwana ulwakuva ita ndimbude.