Popular Bible Verses from Matie 3

Share

An `yo sa kpa b'ɔ kle kɛ amu'an kaci amun nzuɛn'n, amun `yo kɛ waka kpa b'ɔ su mma kpa'n sa.

Kpɛkuun be tili sran kun nɛn nyanmiɛn su lɔ, ɔ seli kɛ: «Min anwlɛn su ba'n yɛ, i su yɛ m'an fa ń wla'n kwlaa m'an gua-a .»

Kɛ ɔ yoli Jésus batɛm b'ɔ fin nzue'n nun fiteli cɛ'n, kpɛkuun nyanmiɛn su lɔ'n i su tikeli muaan, Jésus wunnin Nyanmiɛn Wawɛ'n, ɔ jra ba kɛ auble sa, ɔ wa trɛnnin i su.

N liɛ'n, n yo amun batɛm nzue'n nun kɛ an `kaci amun nzuɛn'n, sanngɛ sran ng'ɔ o siɛn b'ɔ su ba'n, ɔ lɛ tinmin tra min. Min nin i ngbabua'n i sualɛ fata-man. I liɛ'n, ɔ wa fa Nyanmiɛn Wawɛ'n nin sin yo amun batɛm.

Kpɛliɛ'n ɔ'a kan waka olui'n, ɔ man waka kwlaa nga i mma'n ti-man kpa'n, be ´kpɛ i gua sin'n nun.

I yɛ Nyanmiɛn nuan ijɔfuɛ Ezai kɛnnin i ndɛ kɛ: ‹I yɛ ɔ kpan aawlɛ flɛnnɛn nun lɔ nin-ɔn, ɔ se kɛ: An `siesie e Min'n i akpɔ'n, An `yo i atin'm be seiin, an `treke su .› »