Popular Bible Verses from Yohane 5

Share

Ni dede kya dede shamuvia, “Nndu asharanyaa ndera yakwa kavekusirya na yeto aleshiruma, mmbwe ammbwarya muu wa llung'anu, nta nnashiitwaa mwaandun-fo. Mmbo ammbuka ufuny; kandeanga muuny.

Nndu ulya Yesu kallollya elele-fo, kamanya emaye-fo fyeeri fyaasha. Kammbia, “Kukundye ishia?”

Mmbo mwava vesununda-sununda mareiyo kimmba mwiishi mmbo mushuutaa-u iwonisa-fo muu wa llung'anu nang'u ashivikye ukureeki. Neeni nta mulakunde ikusheya na kwakwa naambo muwoni muu.”

Yesu kammbia, “Kwiipoo, kurike kitara kyafo kukweengye.” Nalyo nndu ulya kava nsha deny, kaipoo kitara kyakwe, kakweengya. Naasa nkonu ulya wekee wa Sabato.

Naasa Yesu kaallwa kavavia, “Ni dede kya dede shamuvia, We mwana nnyamanyaa itana kindo kikee kya shila yakwe muni, kulaore ni ekyo alollya Nde etanaa-fo. Mashika we kindo atana na mwana nakyo kavekitana indo-da.