Asma inslaslángw tlákw ám ni dahhi a baraá muunuú hee, kudá' oo hee iwa fuqtá ay, iwa fiisór ay, iwa tsu/tár ay, iwa tsaatusmo tleehhiti, iwa qahusmo tleehhiti, iwa muruú tlákw tlehhiiti, iwa al/agin, iwa heé mure wásl tleehhiti, iwa iltá tlaákw ar xuumiisi, iwa daanduú heé kaantin, iwa daara/an nee iwa daktu'uuti. Muruuwí tlákw sleémeero dír i dahhi a baraá muunuú hee, nee an muruudaádá' oo hee gu slasla/areés.”