პოპულარული ბიბლიური მუხლები Kuvululelwa 8-დან

გაზიარება

Laha yi nga namula a xifungo xa wuntlhanu ni zimbiri, ku lo miyetwa le tilweni a xipimo xa khihlanya ga hora.

Leʼyo ranga yi loba a mpunzu wa yona, zonake kuna vula ya maralala ni nzilo, na zi patsilwe ni nkhata, zi hoxwa misaveni. Ku lo hiswa a xipanze xa wunharu xa misava, ku hiswa ni xipanze xa wunharu xa tisinya, ku hiswa ni byanyi gontlhe go nyuka.

A muwonisweni wa mina nzi lozwa a gama na gi kari gi puruma ndengelengeni ya tilo, giku hi gezu ga hombe: Khombo, khombo, khombo a give ka lava va akileko misaveni, laha ku ta nga biwa a mimpunzu ya tingelosi leti tinharu leti ta ha lavako kuba.

Ni ngelosi ya wumbiri yi loba mpunzu wa yona, ku lo woneka xo kari xo khwatsi xitsunga xa hombe xi vurako nzilo xi hoxwa bimbini. A xipanze xa wunharu xa bimbi xi lo hunzuka nkhata.

Ni ngelosi ya wunharu yi loba mpunzu wa yona, ku lowa a nyeleti ya hombe hi le tilweni, yi vura kota xihlahle, yi wela ka xipanze xa wunharu xa micongo, ni lomu tihlobyeni ta mati. A vito ga nyeleti hi Manonwe. A xipanze xa wunharu xa mati xi lo hunzuka xi maha manonwe; ni vanhu vanyingi va lofa hi mati, hakuva ma wa hunzukile manonwe.

Ni ngelosi ya wumune yi loba mpunzu wa yona, ku biwa xipanze xa wunharu xa gambo, ni xipanze xa wunharu xa hweti, ni xipanze xa wunharu xa tinyeleti; lezaku a xipanze xa wunharu xa zona xi phumiswa, a hlikanhi wu vumala a xipanze xa wunharu xa kuwonekela ka wona, ziva tano ni wusiku.