პოპულარული ბიბლიური მუხლები Kuvululelwa 3-დან

გაზიარება

Languta, nzi yimile nyangweni nzi gongonza; loku a munhu azwa a gezu ga mina a vulula livati, nzi ta enghena ka yena, nziga naye, na yena aga na mina

Nza yi tiva mitiro ya wena, lezaku a ku titimeli, a ku hisi; zi wa ta saseka loku u wa titimela, kutani u hisa. Kanilezi makunu lezi u kulumelako, u nga hisi, u nga titimeli, nzi ta ku kavula nonwini wa mina.

Nzi kawuka ni ku tsayisa vontlhe lava nzi va ranzako; hikwalaho pinyama u hunzuluka.

Nza yi tiva mitiro ya wena. Nzi vekile a nyangwa yi vululekileko mahlweni ka wena leyi a nga hiko kona a zi kotako ku yi vala. U na ni ntamu wu tsongwani, kanilezi u hlayisile a mhaka ya mina, a ku kanetangi a vito ga mina.

Loyi a hlulako nzi ta mu nyika a kuva a tshama zinwe na mina xitshanwini xa mina xa wuhosi, kota lezi mina nzi nga hlula, nzi tshamile na Dadani wa mina xitshanwini xakwe xa wuhosi.

Lezi u nge ngalo: Nzi fumile, nzi ti kumele wukosi, a nzi vumali nchumu; kasi a ku zi tivi lezaku u loyi a xanisekako, ni nyakeke, ni muvumali, ni xikhumu, loyi u nga ni wuna.

Kota lezi u hlayisileko a mhaka ya kutimisela ka mina, minawu nzi ta ku hlayisa zikhatini xa kuringwa, lexi xi ta nga chikela tikweni gontlhe, kasi ku ringa lava va akileko misaveni.

Nzata lokuloku; khomisisa lezi u nga nazo, kasi u nga tekelwi a xidlodlo xa wena.

Vuka u hanyanya, u tiyisa lezi zi seleko, lezi zi nga lava kufa; hakuva a nzi kumangi mitiro ya wena na yi mbhelele mahlweni ka Nungungulu wa mina.