Popular Bible Verses from O KORINTUS MAHINOTOKA 3

Share

Aa, ma Jou aidungutu nenangoka ganga o Womaha. Deʼ kiaka naga ma Jou ai Womaha, genangokaö naga o lapahi.

Orahanënanga tongone nanga biono mata-mata itamunua de o kukudu, deʼ ngone homahi kahinä de ma Jou Yesus aimulia. Deʼ hababu gënanga ngone i togu-togumua inangali hodadi hokä Unanga; iholoi itedekana ngone hodadi iholoi homulia. O mulia gënanga o Womahino, deʼ o Womaha gënanga ganga ma Jou.

Mä nako o nyawa moi-moi yoböa iwihimanga ma Jou, o kukudu genangö yahelenga o nyawa manga bionoka gënanga.

O hohol̄e kamoiö de koiwa ngomioka mangale mihimatoko ngomi miakunu miadiai o manarama nënanga, mä ma Jou Madutu womihidöaka o kuata gënanga ngomino. Unanga womidiai ngomi mia akunu midadi o leleani mangale o jaji moi mahungi; o jaji imahigagao ma Jou Madutu ai Womahika, i goungua o tita ituli-tulihika. Hababu itotuli-tulihi gënanga iao o honenge, mä ma Jou Madutu ai Womaha gënanga ihidöaka o ngango.