Popular Bible Verses from MÁI 9

Share

Kɛ Jísu i ɣɛa siỹɛndópoi w̃a, “Ndeénii le yáá ɣɛ́ má, ‘Ná wɔ́lii yáá hómbo?’ Nuí áá lá ngáá Ngalá, faa fíli áa na áá bááh̃aa ɣɛ má maa w̃ɔ́i yɛ.”

Ngamá nɔ́ɔ, kɛ siỹɛndópoi i woo gúlanga gbél̃eiŋ, i ɣɛ ma, “Ndangí lɔ́ sú. Kɛ́ bɔ́ mbá kái ní lángi h̃úú í ɣɛ́ wɔ́ɔ́lɔ.”

Ná Jísu í lɛ́ɛ́ni pɛlɛ́i wu, kɛ polú yélaitii tí líínga ngelé tiyá léé léé, tí mɔ́ɔ́ni, ti ɣɛ́ ma, “Ndeénii le naa hómbongɔ nɔ́ɔ ỹína nyɔí léve siỹɛndóu loí vólu?” Kɛ Jísu i ti woo yápotenga, i ɣɛ ti w̃a, “Kɛ léi Ngala fɛ́lindai áá ỹína nyɔu laalií sí léve nuu vólu.”

Jísu í mɔ́ɔ́ ɣɛ ta, “Kpoloí lɔ́ ngáá ngangímba gɔ́li, kɛ́ ná ngi yéelei áá gúla mba, aa ɣéle kɛ́ náá áá mɔ́ɔ ɣɛ yeelení? Wú mbála lopolái í ɣɛ́ ngáá kpolo ɣɛ kíli wú lówah̃u, wú ɣɛ́ ndííhei h̃u ngáá ỹɔw̃ɔ́ ỹɔ́w̃ɔ.”

“Nuí fíli áá ló ngáá ngé aáva í lókohei ndopo gúlo laalií sí tá yiláá kéle tɔ mbu ndongí hááw̃a í su ngáá ngé, kɛ maa w̃ɔ́i i lokohéinga mbú. Nuí fíli pá áá lokohéi mbú, kɛ nyá láá le nɔ́ɔ ɔ́ɔ́ ɣɛ́ lokohéni mbú, kɛ́ Ngalá lɛ́i í tɔ́vengɔ laá lɔ áá ɣɛ́ lokohéini mbu.”

Jísu í mɔ́ɔ ɣɛ ti w̃a, “Ngí tɔɔỹái le wú w̃á, nuí fíli áá kpɔle yɛ́ lɛ́ingɔ hé wú yɛ́ sífaa wú ngáá pólu yélaa, kɛ maa w̃ɔ́i í kulasuunúma w̃aahɔ́lɔ.”

Kɛ Jísu i mɔɔ ɣɛa ta, “Sítii ti langɔ́ ngáá ngé, í li bɛ́lɛ í to ndopo gúlo gulóaitii mba, nuí fíli áá kɛ ngáá háwu ti tá yílaa í faa ỹɔ́u ɣɛ, maa ɔ́ɔ́ ɣɛ́ nɛ́ɛ́ni tí ndólo wɔtú wála yili maa w̃ɔ́i woló wá, tí píli yívoi wu, í ló mbu.

Jísu í mɔ́ɔ́ ɣɛ ti w̃a, “Ná í yááh̃ui áá kɛ ngáá háwu yí faa ỹɔ́u ɣɛ, kulá na, yí pilí. Maanɛ́ɛ́ngɔɔ lé yí wála Ngalángi w̃ásandai wu ngáá í yááh̃u yílaangi ɛ́i ɣɛ́ na í lɔ́ve sí wá í yáfɔningɔ áá ló aáva Ngalá ngí í lɔ́ve njahááma