Popular Bible Verses from رۆما 5

Share

لێ خودێ حەزژێكرنا خۆ بۆ مە هۆسا دیار كر: هێشتا ئەم د گونەهكار بووین، مەسیح ژ بۆ مە مر.

هیڤی ژی مە شەرمزار ناكەت، چنكو حەزژێكرنا خودێ ب رێیا گیانێ پیرۆز، ئەوێ وی دایە مە، رژیایە دلێ مە.

نە ب تنێ ب ڤێ، لێ ئەم شانازیێ ب تەنگاڤیێن خۆ ژی دبەین، چنكو ئەم دزانین تەنگاڤی خۆڕاگرتنێ پەیدا دكەت، خۆڕاگرتن ژی پەسەندكرنێ، پەسەندكرن ژی هیڤیێ،

ئەڤجا ژ بەر كو ئەم ب باوەریێ بێگونە‍‌ھ هاتینە دەرئێخستن، ئەم ل گەل خودێ كەفتینە ئاشتیێ، ژ دەولەتسەرێ خودانێ خۆ عیسایێ مەسیح. ب رێكا وی دەستویری بۆ مە هاتە دان، ب باوەریێ ئەم بچینە د ڤێ كەرەمێ ڤە، یا ئەم تێدا ئاكنجی، و شانازیێ ب وێ هیڤیێ دبەین، كو دێ مە پشكداری د مەزناهیا خودێ دا هەبیت.

ژ بەر كو هێشتا ئەم د بێ هێز بووین، مەسیح د دەمێ دەستنیشانكری دا ژ بۆ بەدكاران مر.

ئەڤجا نوكە، پشتی ئەم ب خوینا وی بێگونە‍‌ھ هاتینە دەرئێخستن، چەند مسۆگەرتر ب رێیا وی دێ ژ تۆڕەبوونا خودێ قورتال بین.

كا چەوا ب نەگوهداریا مرۆڤەكی، گەلەك بوونە گونەهكار، هۆسا ژی ب گوهداریا ئێكی، گەلەك دێ راستدار هێنە هژمارتن.

و نە ب تنێ ئەڤە، لێ ئەم ب رێیا خودانێ خۆ عیسایێ مەسیح شانازیێ ژی ب خودێ دبەین، كو ب رێیا وی ئاشتبوون نوكە ب دەست مە ڤە هات.