პოპულარული ბიბლიური მუხლები Alo 14-დან

გაზიარება

Nũndũ ũsumbĩ wa Ngai ti ũvoo wa kũya na kũnyw'a, ĩndĩ nĩ ũvoo wa ũlũngalu, mũuo na ũtanu ũla ũetawe nĩ Veva Mũtheu. Mũndũ ũla ũmũthũkũmaa Klĩsto kwa nzĩa ĩsu, nũmwendeeasya Ngai na nĩwĩtĩkĩlĩtwe nĩ andũ.

Ethĩwa nĩtũkwĩkala thayũ, twĩĩkala kwondũ wa Mwĩai, na ethĩwa nĩtũũkw'a, twĩkw'a kwondũ wa Mwĩai. Kwoou ethĩwa nĩtũkwĩkala thayũ kana nĩtũũkw'a, twĩ ma Mwĩai.

Kwoou ĩndĩ no nginya tũatĩĩe maũndũ ala maetae mũuo, na ma kwakana ithyĩ kwa ithyĩ.

Kwoou ĩndĩ tũekei kũsilĩlana ithyĩ ene. Vandũ va ũu, no nginya mũsũanĩe kũlea kwĩka ũndũ ũtuma mũndũ ũngĩ asya mũĩkĩĩo kana avalũka.

Nĩkwĩthĩwa Maandĩkonĩ Matheu Mwĩai nũneenete akasya: “O ũndũ nyie nĩ thayũ, kĩla mũndũ nũkandulĩlya ndu, na kĩla mũndũ nũkaneena asye nyie ninyie Ngai.” Kwoou kĩla ũmwe waitũ nũkeyĩelesya mbee wa Ngai kĩla we wĩkĩte.

Mwĩtĩkĩlei mũndũ ũla wĩ na mũĩkĩĩo mũvũthũ, ĩndĩ mũikakananĩe nake ĩũlũ wa mosũanĩo make.

We nue ũũ ũsilĩle athũkũmi ma mũndũ ũngĩ? No mũnene woo ũtonya kũmanya kana meĩka nesa kana nĩmekũvalũka; ĩndĩ nĩmekwĩka nesa nũndũ Mwĩai e na ũtonyi wa kũtuma meka nesa.