პოპულარული ბიბლიური მუხლები Yoa 19-დან

გაზიარება

Yesũ amina kũviviita ndivai ĩsu ngaatu asya atĩĩ, “Nĩwathela.” Nĩvo ĩndĩ wakunamisye mũtwe na akw'a.

Yesũ nĩwamanyie kana yu nĩwamina wĩa wake, na nĩ kana o ta ũu eanĩsye Maandĩko Matheu asya atĩĩ, “Nĩĩw'a waũni.”

Yĩla Yesũ woonie inyia wake na mũmanyĩw'a ũla wendete maũngyĩ vau, nĩwamwĩie nyinyia, “Mwaitũ, ũsu nĩwe mwana waku.” Nĩwamwĩie ũla mũmanyĩw'a nake, “Sisya, ũsu nĩwe inyia waku.” Kuma saanĩ ũsu mũmanyĩw'a ũsu nĩwamwosie inyia wa Yesũ athi kwĩkala mũsyĩ kwake.

Ĩndĩ yĩla mavikie vala ve Yesũ, na meethĩa nũkwie mayaamũtũla maũũ. Vandũ va ũu, ũmwe wa asikalĩ nĩwamũtonyie Yesũ mbaunĩ na ĩtumo, na vau kwa vau vauma nthakame na kĩw'ũ.

Maũndũ asu meekĩkie nĩ kana Maandĩko Matheu meanĩe ala maĩtye atĩĩ, “Vai ĩvĩndĩ o na yĩmwe yake yĩkatũlwa.” O na ve o vandũ vangĩ Maandĩkonĩ Matheu vaĩtye atĩĩ, “Andũ makamũsisya we ũla mamũtonyie.”

Nĩwaumaalile ekuĩe ngelany'o yake athi kũvika vandũ vetawa, “Vandũ va Kĩng'ala,” na kwa Kĩevelania vetawa, “Ngolongotha.”

Asikalĩ nĩmavĩlanganisye tũũvonge twĩ mĩw'a, maseũvya ngovia mamwĩkĩa Yesũ mũtwe, na mamwĩkĩa ngũa ndune.