პოპულარული ბიბლიური მუხლები Yoa 16-დან

გაზიარება

Namũtavya maũndũ asu nĩ kana mwĩ nthĩnĩ wakwa mwĩthĩwe na mũuo. Mwĩ kũũ nthĩ mũkathĩnaw'a, ĩndĩ ĩthĩwai na ũkũmbaũ; nĩnĩkĩlĩtye nthĩ vinya!”

Ĩndĩ yĩla Veva ũla ũvuanasya ũw'o wĩũka, akamũtongoeasya nthĩnĩ wa ũw'o w'onthe. Ndakethĩawa aineena ndeto syake mwene; akaneenaa kĩla wĩĩw'aa na kũmũtavya maũndũ ala makoka.

Kũvika vau mũyaaĩtya kĩndũ ĩsyĩtwanĩ yakwa; ĩtasyai na mũkanengawe, na mũkeethĩawa na ũtanu mwingĩ.

Ĩndĩ kwa w'o ekai nĩmũtavye, nĩ kwa ũseo wenyu nyie ngũthi, nũndũ nalea kũthi ũla Mũtetheesya nake nĩ Veva Mũtheu ndeũka kũla mũĩ. Ĩndĩ nathi ngamũtũma oke ethĩawe vamwe nenyu. Yĩla wĩũka, akamanyĩsya andũ kĩla kĩtawa naĩ nĩ kyaũ, ũlũngalu nĩ mwaũ, na o ta ũu kĩla kĩtawa ũsilĩlo wa Ngai nĩ kyaũ.

“Kwoou nenyu mwĩ na kĩmako yu, ĩndĩ ngamwona ĩngĩ na ngoo syenyu ikausũwa nĩ ũtanu, ũtanu ũla mũndũ o na wĩva ũtatonya kũmũvena. “Yĩla ĩvinda yĩu yĩvika, mũikambĩtya kĩndũ o na kĩmwe. Nĩmũtavya w'o, Asa akamũnenge kĩndũ o na kĩva kĩla mwĩmwĩtya ĩsyĩtwanĩ yakwa.

Nĩmũtavya w'o, inyw'ĩ mũkaĩa na mũimaka, ĩndĩ nthĩ ĩkatana. Mũkakwatwa nĩ kĩmako kingĩ, ĩndĩ kĩmako kyenyu kĩkaalyũka kĩtw'ĩke ũtanu.