Popular Bible Verses from Yoa 10

Share

Kĩng'ei kyũkaa nĩ kana kyũye, na kĩyũaa o vamwe na kwananga; nyie nookie nĩ kana mũtonye kwĩthĩwa na thayũ, na mũyĩthĩwa naw'o kwa wusũu.

“Nyie ninyie mũĩthi ũla mũseo. Mũĩthi ũla mũseo nĩwĩyumasya akw'e kwondũ wa malondu.

Malondu makwa nĩmew'aa wasya wakwa; nĩnĩmesĩ namo nĩmangatĩĩaa.

Nĩnĩmanengae thayũ ũtathela na kwoou maikakw'a. O ta ũu vai mũndũ ũtonya kũmavulya kuma vala nĩĩ.

Nyie ninyie mũomo. Mũndũ o na wĩva ũla wĩlikĩla vala nĩĩ akasũvĩĩka; akalikaa na kumaala na kwona kyaũya.

Nyie ninyie mũĩthi ũla mũseo; nĩnĩsĩ malondu makwa namo nĩmambĩsĩ

Ĩthe wakwa ũla wanengie mo nĩ mũnene kwĩ kĩla kĩndũ, na vai mũndũ ũtonya kũmavulya kuma vala ũĩ. Nyie na Asa twĩ kĩndũ kĩmwe.”

o ũndũ Asa ũmbĩsĩ nakwa nĩnĩmwĩsĩ. Nyie nĩnĩyumĩtye nĩkw'e kwondũ wa malondu.

Vai mũndũ ũkũmbena thayũ wakwa, ninyie ngũũnengane kwa ngenda yakwa. Nĩna ũtonyi wa kũnengane thayũ wakwa na o ta ũu nĩ na ũtonyi wa kũwosa ĩngĩ. Ũkũmũ ũsu naũnengiwe nĩ Ĩthe wakwa.”

Kwoou Yesũ nĩwamatavisye ĩngĩ amea atĩĩ, “Nĩmũtavya w'o, nyie ninyie mũomo wa malondu.

Mũndũ wa kũandĩkwa ũte mũĩthi na ũte mwene wa malondu, akilasya oona nzũi yũkĩte akasemba akatia malondu. Nĩvo ĩndĩ nzũi ĩsu ĩvithũkĩaa malondu asu na kũmanyaĩĩkya.

Yesũ nĩwameie atĩĩ, “Nĩmũtavya ũla w'o, mũndũ ũla ũtalikĩlaa mũomonĩ wa vala malondu mekalaa, ĩndĩ ũlikĩlaa vandũ vangĩ, ũsu nĩ kĩng'ei na mũvutani.