Popular Bible Verses from Gyenesise 21

Share

AWURADE ɔɔpasale Sara nwo kyɛbɔ ɔhane ne ala, na kyɛbɔ ɔhyɛle Sara bɔ ne, sɔ ala yeɛ ɔyɔle ɔ.

Nyameɛ tele akwadaa ne suɛ, na Nyameɛ abɔfo frɛle Hagar fili nyameɛso bisale ye kyɛ, “Hagar, nzikyɛ yeɛ ɔha wɔ ɔ? Nnɛsuro, ofikyɛ esuɛ bɔ akwadaa ne ɔla berɛ bɔ osũ ne, Nyameɛ ate. Dwɔso kɔma akwadaa ne aso, na tira ye nu yé, ofikyɛ ngɔma ye boso ama kɔyɛ maen pirikua.”

Sara nwonzɛle, na ɔne Abraham bɛwole bienzua wɔ mmerɛ bɔ né Abraham ayɛ aworowaa ɔ, wɔ mmerɛ deinn bɔ Nyameɛ fa hyɛle ye bɔ ne.

Na Sara sele kyɛ, “Nyameɛ amaa masere; na ebiala bɔ ɔkɔte ne ɔne me kɔsere.”

Nakoso Nyameɛ sele Abraham kyɛ, “Nnɛma akwadaa ne ne w’afaneɛ ne dwirɛ ne ɔha wɔ. Na yɔ bɔ Sara ka kyire wɔ biala, ofikyɛ ɔnate Yisake so yeɛ ekonya wɔ bosofoɛ kaenn ɔ.

Na afaneɛ n’awa ne koso, ngɔmaa ɔkɔkakyi maen, ofikyɛ ɔte wɔ bosoniɛ.”